Te fundit
Çmenduria e Altin Dardhës, rrëmbeu avionin për të bombarduar lagjen e kundërshtarit
7 Prill 2021, 08:13Politika
TEMA
Gjatë qershorit të 97-ës, një prej ditëve kur Altin Dardha qarkullonte me bandën pranë turizmit, i shpëton mrekullisht një atentati. Ai ndodhej në mjetin luksoz tip kadillak. Nga kalaja qëllon me snajper Burhan Tomori por pa rezultat. Kadillaku i Altin Dardhës ishte shndërruar në tmerrin e Beratit. Sa e shikonin të afrohej, njerëzit ulnin kokën dhe largoheshin.
“Padiskutim, padiskutim sepse vetë situata edhe pasi u krijua komiteti shpëitmit, ishin po këta, po ky grup që nxori tanket te ura, ose që kontrollini gjithandej në Berat, por kadillaku ishte i vecantë, nuk ishte se kishte disa të tillë” u shpreh Zylyftar Plaku, ish-reporter në Berat.
Në 3 Korrik të vitit 1997 në afërsi të Urës Vajgurore organizohet vrasja e Shefqet Tomorit, i cili ishte një njeri pa asnjë lidhje me veprimtarinë kriminale të të vëllait. Një burim nga policia shkencore i tha Top Story se ekzekutori i drejtëpërdrejtë i Shefqet Tomorit ishte Altin Dardha.
Vetëm 6 ditë nga vrasja e të vëllait, Burhan Tomori reagon sërish. Në 9 Korrik të vitit 1997 në qendër te Beratit, të vendi i quajtur Anxhesia, njerëzit e tij vrasin Shpëtim Dardhën, babain e Altinit. Në fakt, qëllimi ishte ta merrte peng dhe të tërhiqte Altinin.
Në një moment Dardha çon dorën pas dhe ushtari i Tomorit i quajtur Mandi Lajthia, duke iu trembur armës e ekzekuton në vend. Në atë kohë, roli i shtetit ishte inekzistent. Edhe pse u vra mes shumë dëshmitarëve, dosja u hap disa muaj më vonë, vetëm në 23 tetor.
“Ka pasur shumë tardhëti se edhe Malushi u vra, edhe shumë efektivë për shkak të tradhëtisë apo dekonspirimit, që poltika ka marrë më qafë policinë” u shpreh Lefter Maliqi, Ish- Shef Krimesh në Berat. Në atë kohë, askush nuk guxonte të dëshmonte për krimet.
Pas kësaj ngjarjeje, Altin Dardha pëson një krizë duke vrarë edhe njerëz pa asnjë shkak rrugëve. “Pastaj atë ditë, janë vrarë 9 persona brenda ditës, dy ditë më vonë dicka e tillë, por të gjithë ata ishin të niveleve jo të liderit”u shpreh Zylyftar Plaku, ish- reporter në Berat.
Dëshmitarë të kohës rrëfejnë se atë ditë, Altin Dardha shkon dhe rrëmben tankun në polici për të sulmuar lagjen e Vakëfit. Policia nuk kishte fuqi të ndalonte grabitjen e tankut, por ata morën masa duke i hequr gjilpërën e topit. Altini tentoi nga Kalaja të sulmonte Vakëfin por nuk ia arriti.
Çmenduria arriti deri aty sa tentoi të ngrejë në ajër një avion të bazës së Kuçovës për të sulmuar lagjen e armiqve. Arriti ta nxjerrë deri në pistë edhe pse ushtarakët i thanë se avionët ishin jashtë funksioni. Altini u ndal pasi i doli para miku Edmond Merko, një i fortë i zonës që kishte familjen në Vakët.
“Nuk ishte cudi ngritja avionit. Shkova në Gjirokastër takova këta të komitetit të shpëtimit, skishte as polici asgjë, edhe po kalonte një tank, them ca ndodh, janë nisur lazaratsit të sumojnë Tepelenën. Kisha kaluar nga Tepelena ishte mbushur me topa. I dal para tankut e ndaloj. U them ku shkoni: Më thotë do shkojmë të sulmojmë Tepelenën. U them mos shkoni se do ju bëjnë hi, e ke parë si është Tepelena, artileri e gjallë, do ju bëjnë pluhur. Tjerët vinin me benza, me automatikët e nxjerrë nga dritaret” u shpreh Neritan Ceka, ish-ministër i Brendshëm.
4 komente në “Çmenduria e Altin Dardhës, rrëmbeu avionin për të bombarduar lagjen e kundërshtarit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Une jam beratas,por nje gje nuk po arrij te kuptoj,ne lidhje me keto shkrime fantashkence te nje gazetari medioker. E para si ka mundesi qe i behet reklame nje rrugaci ordiner si Altin Dardha.Ato qe shkruhen per te me siper jane te deri diku te verteta,por jo budallalliku i avionit.Kush ka jetuar ne Berat ,vitet 1991deri ne 2000,koha kur u formuan bandat ne qytet, te gjithe e dine qe Altin Dardha nuk ishte gje tjeter vec ushtare i gangestereve me emer ne qytet.Vetem Celepiasi kishte 4 grupe ku me te pushtetshmit ishin vellezerit Hasani ,Blenardi, Genci e me pas ishin ata te lagjes Barrikade vellezerit Jaupi dhe vellezerit Cobo e me pas doli grupi i Altinit.Dhe mos ta zgjas meteper se duket sepo i japim shume rendesi nje rrugaci ordiner, ai nuk ka qene gje tjeter vecse nje ushtar i bandes se Celepiasit qe eshte egsistuese dhe sot ne Berat e udhehequr nga Mok Toto dhe Gaz Mahmutaj
a te lumte o vella. vec ne shqiperi njerez pa edukate, pa ndergjegje, pa mend ne koke me kuptimin e plote fjales; vec ordinere rrugesh , qe nuk punuan , nuk dashurua ,nuk kontribuan ne zhvillim , por vrane , prene , vodhen dhe destabilizuan. akoma me keq moren ne qafe dhe jete njerezish dhe te ardhmen e disave. e pra , vec ketu tek ne , ketyre iu behet lajm apo dhe pse i dime me emer dhe mbiemer secili te qytetit te tij , vazhdojne akoma aktivitetin e tyre , madje ne kohe fushate i sheh dhe me te aktivizuar .
Keshtu qe avioni prej kartoni nuk u ngrit dot se nuk i punonin frenat e dores dhe perfundimisht ne shpetuam nga… budallalleku me oke i ketyre palogazetareve.
Neritani i paska dal tankut perpara. Vojo Kushi i arkeologeve. Te flasim seriozisht, ne ato kohe te gjitheve policeve, politikaneve, ushtarakeve, popullit te thjeshte u mori muti shalet. Disa trima te forcave speciale ne Tirane e ndryshuan situaten. Ata meritojne dekoratat e Ilirit.