Te fundit
Johnson&Johnson fillon furnizimin e BE-së me vaksina
12 Prill 2021, 13:56Bota
TEMA
Kompania Johnson&Johnson ka filluar shpërndarjen e vaksinave kundër COVID-19 në Bashkimin Evropian, tha Peter Liese, një ligjvënës i Parlamentit Evropian, transmeton Reuters.
Shpërndarja ishte planifikuar të ndodhte në fillim të prillit, por procesi ishte shtyrë për shkak të problemeve me prodhimin.
Kompania amerikane është zotuar se do të furnizojë me 55 milionë doza deri në fund të qershorit dhe 120 milionë të tjera në tremujorin e tretë, tha Komisioneri i Bashkimit Evropian për Industrinë, Thierry Breton.
Vaksina e Johnson&Johnson merret vetëm përmes një doze dhe është 66 për qind efektive kundër koronavirusit.
Studimi për këtë vaksinë ka përfshirë 44.000 vullnetarë, dhe është kryer në tre kontinente dhe në disa lloje të koronavirusit.
Kompania gjithashtu tha se rezultatet e saj paraprake tregojnë se një dozë e vetme parandalon 85 për qind të rasteve të rënda.
Kjo është vaksina e katërt që është miratuar nga Agjencia Evropiane e Barnave pas vaksinave: Pfizer-BioNTech, Moderna dhe AstraZeneca.
Administrata Amerikane e Ushqimit dhe Barnave e ka miratuar këtë vaksinë në fund të muajit shkurt. Vaksina është aprovuar gjithashtu në Kanada dhe Bahrein.
Organizata Botërore e Shëndetësisë miratoi vaksinën emergjente Johnson & Johnson më 12 mars.
1 komente në “Johnson&Johnson fillon furnizimin e BE-së me vaksina”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne SHBA jane vaksinuar me vaksinen Jonson&Jonson deri diten e djeshme 11.04.2021 gjithsej 6 415 207 njerez. Per analogji, eshte shume me efektive se vaksina e gripit. Do te thosha se eshte nje mrekulli e vertete per njerzit qe nuk kane shume seriozitet ne qendrimet qe mbajne gjate aktivitetit te tyre, te cilet edhe sikur tu beje nje doze me vaksinen Pfizer ose Moderna, harrojne te vijne dhe neglizhojne per dozen e dyte, si homelesset, njerzit ne levizje te panderprere, ata qe puna i bene te harrojne gjithcka, por edhe ata qe qejfi i bene gjithashtu te harrojne gjithcka, e te tjere. Jonson&jonson eshte mjaft rezultative edhe per ata qe e kane kaluar covidin, duke arritur me kete rast nje imunitet domethenes. Por kuptohet, ata qe kane kaluar covid duhet te konsultohen me mjekun perkates per te percaktuar, se pas sa kohesh pasi e kane kaluar covidin duhet te vaksinohen. Nese Shqiperia do te arrinte te siguronte nje kontigjent te kesaj vaksine, mendoj se kjo do te ishte nje mrekulli e vertetet.