Te fundit
Ulen tensionet, Vladimir Putin do të marrë pjesë në Samitin e SHBA-së për klimën
19 Prill 2021, 17:56Bota
TEMA
Kremlini ka thënë se presidenti rus Vladimir Putin do të flasë më vonë gjatë kësaj jave në një samit online për ndryshimet klimatike, të organizuar nga Shtetet e Bashkuara.
Putin “do të theksojë qasjen e Rusisë në aspektin e bashkëpunimit ndërkombëtar, me qëllim të tejkalimit të efekteve negative në ndryshimet klimatike globale”, ka thënë Kremlini përmes një deklarate më 19 prill.
Presidenti amerikan Joe Biden ka ftuar muajin e kaluar Putinin dhe liderë të tjerë botërorë në një samit virtual, që do të mbahet më 22-23 prill.
Mirëpo prej atëherë, marrëdhëniet në mes të Uashingtonit dhe Moskës kanë hyrë në fazë të re të rritjes së tensioneve, pasi Biden ka bërë të ditura sanksione të reja për shkak të sulmeve kibernetike ruse, ndërhyrjen në zgjedhje dhe kërcënimet kundër ushtarëve amerikanë në Afganistan.
Arsye tjera që kanë ngritur dilemat nëse Putin do të marrë pjesë në samit kanë të bëjnë me gjendjen shëndetësore të kritikut të Kremlinit Aleksei Navalny, pozicionimin e trupave ruse në kufi me Ukrainën dhe përfshirjen e dyshuar të Rusisë në shpërthimin vdekjeprurës në një depo municioni në Republikën Çeke më 2014.
Dita e parë e samitit mbahet në Ditën e Tokës dhe do të “vë në pah urgjencën dhe përfitimet ekonomike të të vepruarit për klimë të fuqishme”, ka thënë Shtëpia e Bardhë, teksa ka bërë të ditur njoftimin.
Biden ka ftuar në takim dhe presidentin kinez Xi Jinping, i cili ende nuk ka konfirmuar pjesëmarrjen.
1 komente në “Ulen tensionet, Vladimir Putin do të marrë pjesë në Samitin e SHBA-së për klimën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjitha keto jane show ku njerezit ja kane marre doren dhe nuk i besojne me politikanet te cilet jane gati te sakrifikojne gjithecka vetem te qendrojne ne pushtet dhe te fitojne para sa per popullin jane duke ndertuar skllaverine e shekullit 21 ku nje grusht njerezish qe kane koncentruar parane se bashku me politikane imorale dhe te korruptuar po mundohen te ndertojne sistemin “shoqeror “ te skllaverise si ne kohen e Enverit me demagogji dhe varferi per popullin dhe parajse per eliten qe mendon sh per te “ardhmen”….