Artur Zheji shfaq probleme me 'orientimin': Jam i pavarur por dhe i angazhuar. S'ka të mirë absolute, duhet uragan

Analisti dhe gazetari Artur Zheji ka folur në “Pikat mbi i” në News24 për atë që quhet elektorati gri dhe rolin i tyre në zgjedhjet e 25 prillit.

Ai tha se kërkohet një uragan, një diferencim i së keqes më të madhe nga ajo më e vogël dhe këtë gjë duhet ta bëjë elektorati gri. Sipas tij e mira absolute nuk ekziston.

“Nga një studim i imi kam vënë re shumë fenomene që ndodhin në Itali përpara 7-8 vitesh këtu vijnë me 7 vite me vonesë. Është gjë e mirë, Italia është shumë e përparuar. Çfarë ka ndodhur në Itali, pati një krizë të madhe të abstensionit, të gjithë thoshin këta janë njësoj, kanë ardhur të gjithë në politikë për të vjedhur dhe nuk shkonin të votonin. Nëpërmjet braktisjes së procesit zgjedhor shprehnin protestën e tyre të heshtur dhe të fisme.

Por ama, doli një personazh që ishte Beppe Grillo që iu tha ju jeni një bombë atomike, jeni një energji që mund të shndërroni, do merrni timonin e Italisë ta ktheni atë dhe të bëni një revolucion që vlerat të dalin në sipërfaqe dhe antivlerat të fundosen.

Sa pak meritokratikë janë deputetët që ke. Një pjesë e madhe e tyre janë nën koeficientin intelektual që ke ti. Janë njerëz pa asnjë lloj patente, pa arsim, një pjesë me diploma të blera. Këta do marrin portofolin tim, tëndin dhe të kohës të së ardhmes tënde, po pse?

Disa pak njerëz kanë shumë pushtete dhe organizojnë që të meritokratët të rrinë poshtë, ata që kanë servilizëm rrinë lart. Në të gjitha shoqëritë e botës ndodhin këto fenomene, po pastaj shkunden. Një forcë politike zhduk të keqen më të madhe, vjen në pushtet dhe pasi kryen funksionin bie në vendin e vet.

Këtu kërkohet një uragan, një diferencim i të keqes më të madhe nga e keqja më e vogël. Këtë duhet ta bëjë pjesa gri. Pjesa gri duhet të zgjedhë të keqen më të vogël në këmbim të së keqes më të madhe. Nuk ekziston e mira absolute. Është mundësi e njerëzve të rikthejnë ekuilibrin në shoqëri”, tha Zheji.

I pyetur se kush do ishte më e mira për shqiptarët, vijimi i qëndrimit të kryeministrit Edi Rama apo rotacioni, Zheji tha se uji ka zënë erë dhe duhet të lëvizë.

“Është shumë e kollajtë për një gazetar dhe për mua që të luaj rolin e të pavarurit dhe të bëj sikur jam baraslarguar nga anët. Unë jam i pavarur, por jam i angazhuar. Këtu nuk ka një kontradiktë. Jam i pavarur në mendimet e mia por i angazhuar duke menduar se rotacioni është i domosdoshëm.

Do ishte mirë për shqiptarët edhe për Ramën. Rama rrezikon shumë. Kam një angazhim sepse kuptoj që e mira e Shqipërisë dhe e çdo vendi është lëvizja e ujit. Uji kur rri në vend fillon bie erë. Këtu uji ka rënë erë dhe duhet të lëvizë. Duhet oksigjen, duhet të lëvizin gjëra, duhet ujë i pastër.

Pasi mbaron ky proces urgjent, fillon pjesa meritokratike, djemtë dhe vajzat e shkolluar të Shqipërisë të marrin pushtetin. Kështu si është situata nuk kanë për ta marrë kurrë”, deklaroi ai.

Balla: Sa kohë që Berisha e Meta të jenë politikë, gjithmonë do prodhojnë dhunë

16:06 Politika

Alfred Moisiu: Partitë nuk mund të zëvendësojnë institucionet dhe ta kthejnë demokracinë në pikën zero

16:01 Politika

VIDEO/ Tensionet në Elbasan, Policia kontrollon Agron Kuliçajn

16:01 Politika

Vrasja në Elbasan,Topalli: S'janë incidente, por strategji e linjë konflikti

15:56 Politika

Takim me banorët e qytetit, Peleshi: Të votojmë masivisht për zhvillimin e Korçës

14:38 Politika

"Dhuna dhe shitblerja e votës"! Yuri Kim publikon raportin e SPAK: E nxisim t'i ndjekë penalisht shkelësit e ligjit

15:28 Politika

Pse Edi Ramën?

15:21 Politika 1 koment

“Jeni krijesa të Ramës”, Patozi ironizon Bashën: Kush ta tha apo strukturat paramilitare? Sherrnaja juaj përfundoi me gjak dje

15:19 Politika

Historia e ruajtjes së armatosur të votave, ka filluar në Berat

15:13 Politika

Nga “misionar i Zotit”, në politikë: Një kandidat i “pazakontë”, për 25 prillin

17:09 Politika