Te fundit
I bllokuan makinën kreut të njësisë administrative, procedohen simpatizantët e PD
24 Prill 2021, 11:03Politika
TEMA
Tre persona në Maliq janë proceduar penalisht dhe po hetohen në gjendje të lirë nga policia pasi i bllokuan rrugën me makinën e tyre kreut të Njësisë Administrative Vreshtas, me pretendimin se në automjet kishte para për mbledhjen e votave.
Ata njoftuan vetë policinë për dyshimet që kishin. Forcat policore shkuan në vendngjarje dhe nga verifikimet rezultoi se kreu i njësisë administrative nuk ka patur sende kompromentuese që lidhen me procesin zgjedhor.
Njoftimi i Policisë
Specialistët për Hetimin e Krimeve në Komisariatin e Policisë Maliq, filluan procedimin penal në gjendje të lirë në ngarkim të shtetasve Fatjon Dushku, 25 vjeç; Endrison Dushku dhe Ahmet Goroveci, 54 vjeç, banues në fshatin Podgorie, Maliq (simpatizanë të një subjekti politik).
Këta shtetas në mënyrë të kundërligjshme në fshatin Podgorie, Maliq, i kishin bllokuar rrugën me automjetin e tyre shtetasit Q. B., me detyrë administrator i Njësisë Administrative Vreshtas, Maliq, i cili udhëtontë me mjetin e tij, me pretendimin se në automjet kishte lekë për të blerë vota.
Nga verifikimet e kryera dhe kontrolli i ushtruar nga ana e grupit hetimor dhe shërbimeve të policisë në automjetin e shtetasit Q. B., nuk u gjet asnjë send kompromentues, në lidhje me procesin zgjedhor.
Materialet i kaluan Prokurorisë të Rrethit Gjyqësor Korçë për veprat penale “Njoftimi i rremë në organet e rendit” dhe “Pengimi i qarkullimit të mjeteve të trasportit”.
1 komente në “I bllokuan makinën kreut të njësisë administrative, procedohen simpatizantët e PD”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
U kanë ikur bletët??