Rusia pretendon se qëlloi me bomba ndaj anijes britanike, Londra mohon incidentin

Mbretëria e Bashkuar mohon incidentin me Rusinë në Detin e Zi, në afërsi të Krimesë. Ministria e Mbrojtjes në Londër thotë se ushtria e Moskës nuk ka lëshuar të shtëna dhe bomba paralajmëruese ndaj destrojerit britanik.

Gjithashtu sqaroi se “anija e Marinës Mbretërore po kryente një kalim të pafajshëm përmes ujërave territoriale të Ukrainës në përputhje me ligjin ndërkombëtar”.

“Besojmë se rusët po zhvillonin një stërvitje me armë zjarri në Detin e Zi dhe i dhanë komunitetit detar një paralajmërim për aktivitetin e tyre. Nuk pati të shtëna të drejtuara ndaj HMSDefender dhe nuk njohim pretendimin që bomba u lëshuan në afërsi të tij.”, deklaroi Ministria Britanike e Mbrojtjes.

Pretendimet e Rusisë janë kritikuar edhe nga Ukraina.

“Një provë e qartë e pozicionit të Ukrainës: Veprimet agresive dhe provokatore të Rusisë në Detin e Zi, pushtimi dhe militarizimi i Krimesë përbëjnë një kërcënim për Ukrainën dhe aleatët. Kemi nevojë për një bashkëpunim cilësor mes Ukrainës dhe aleatëve të NATO-s në Detin e Zi.”, u shpreh ministri ukrainas i mbrojtjes.

Më herët, ministria ruse e mbrojtjes, e cituar nga mediat në Moskë, tha se anija britanike u largua nga ujrat territorialë menjëherë pas incidentit.

Gjithashtu pretendon se gjatë ballafaqimit ushtria ruse qëlloi me të shtëna paralajmëruese dhe me dy bomba për të larguar anijen luftarake britanike nga patrullimi afër Krimesë. Mediat ruse raportuan ndër të tjera se diplomatë të ambasadës së Mbretërisë së Bashkuar në Rusi janë thirrur nga Ministria e Mbrojtjes për sqarime.

ECDC: Varianti Delta do të”pushtojë” Europën deri në fund të gushtit

19:54 Bota

Vaksina e BioNTech ka efekt ndaj variantit Delta të Coronës

18:58 Bota

"New York Times": Shtetet që u mbështetën te vaksinat kineze, po përballen me rritje drastike të rasteve të reja me Covid-19

17:57 Bota

Serbia kundër Bullgarisë, pro Tiranës e Shkupit: E rrezikshme që BE lejon të bllokohen fqinjët për çështje dypalëshe

17:48 Bota

Çfarë mund të presë bota nga presidenti i ri i Iranit?

16:24 Bota

ANALIZA: Europa ‘po ndëshkon Mbretërinë e Bashkuar’ për largimin nga BE

15:58 Bota

Turqia ul fashën e moshës së të imunizuarve në 25 vjeç: Vaksinim në ara dhe qendra tregtare

15:09 Bota

Draghi: Variantet e reja të Covid-19 mund të vonojnë lehtësimin e kufizimeve

14:40 Bota

Sekretari Blinken në Berlin: Nord Stream 2, kërcënim për sigurinë energjetike të Evropës

14:15 Bota

Rusët qëllojnë në drejtim të anijes britanike, shkeli kufirin detar

13:55 Bota