Te fundit
MISTERI: Pse Kina po mbledh të dhëna gjenetike nga gra shtatzëna në gjithë botën?
13 Korrik 2021, 09:47Lifestyle
TEMA
Së bashku me ushtrinë kineze një kompani nga Hong-Kongu analizon pas gjithë gjasash të dhënat nga testet prenatale për gratë shtatzëna. Po ç’bëhet me këto informacione?
Sipas hulumtimeve të agjencisë së lajmeve Reuters sipërmarrja gjenetike kineze BGI Group po përdor një test për gratë shtatzëna, të zhvilluar në bashkëpunim me ushtrinë kineze, për të mbledhur dhe analizuar të dhëna gjenetike të miliona grave nga e gjithë bota.
Këto të dhëna do të përdoren për kërkime të gjera për karakteristikat gjenetike të grupeve të ndryshme të popullsisë, njofton Reuters duke ju referuar informacioneve të sipërmarrjes kineze dhe një analize të studimeve shkencore të kryer nga kjo agjenci lajmesh.
SHBA: Kërcëni i sigurisë kombëtare
Ky lajm ka shkaktuar shqetësim si në SHBA dhe në Gjermani, sidomos pasi ashpërsimit muajt e fundit të toneve në marrëdhëniet midis qeverive perëndimore, veçanërisht të SHBA-së, dhe Kinës komuniste.
Qeveria e SHBA-së i sheh përpjekjet e sipërmarrjes kineze BGI për të mbledhur dhe analizuar të dhëna gjenetike njerëzore si kërcënim të sigurisë kombëtare. Në Gjermani ka gjithashtu kritika për rrjedhjen e mundshme të të dhënave.
Testi prenatal “Nifty”
Kompania më e madhe kineze e gjenomikës, BGI, filloi në vitin 2013 marketingun e testit prenatal jashtë Kinës. Ky test shitet emrin tregtar “Nifty” dhe është një nga testet prenatale jo-invazive më të shitura në botë. Për testimin përdoret një mostër gjaku e gruas shtatzënë për të kontrolluar për anomali, si sindroma Daun, në fetusin në zhvillim.
Sipas BGI deri tani këtë test e kanë përdorur më shumë se tetë milion gra në të gjithë botën. “Nifty” tregtohet në të paktën 52 vende, përfshirë edhe Gjermaninë, Kanadanë, Australinë, Tajlandën apo Indinë, por jo në SHBA.
Sipas informacioneve të Reuters në Bankën Kombëtare Gjenetike të Kinës, e cila financohet nga qeveria kineze, ruhen edhe të dhënat gjenetike të më shumë se 500 grave nga Evropa dhe Azia që kanë përdorur këtë test.
SHBA e shqetësuar
Qendra Kombëtare e Kundërzbulimit dhe Sigurisë e Shteteve të Bashkuara, e cila kishte paralajmëruar edhe më parë lidhur me mbledhjen e të dhënave shëndetësore nga kompanitë kineze, shprehu shqetësimin në lidhje me transferimin e të dhënave në Kinë. Ky tranferim bën të mundur që “Kina të mbledhë të dhëna gjenetike dhe gjenomike nga e gjithë bota” – tha qendra.
Sipas studiuesve të dhëna gjenetike mbledhin dhe analizojnë edhe firma të tjera që prodhojnë teste prenatale, por asnjëra prej tyre nuk mbledh kaq shumë të dhëna gjenetike sa BGI dhe asnjë nga këto firma nuk ka lidhje me ndonjë qeveri apo me ushtrinë kombëtare të ndonjë vende si sipërmarrja BGI.
Kina flet për akuza dhe shpifje
BGI deklaroi se asnjëherë nuk i është kërkuar nga organet e sigurisë ose të mbrojtjes kombëtare kineze që t’u japë atyre të dhënat e përftuara testet “Nifty” dhe as e ka bërë ndonjëherë gje gjë të tillë. Kurse Ministria e Jashtme e Kinës tha se hulumtimi i Reuters reflekton “akuza dhe shpifje të pabazuara” të autoriteteve amerikane.
6 komente në “MISTERI: Pse Kina po mbledh të dhëna gjenetike nga gra shtatzëna në gjithë botën?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Amerika dhe Europa e hëngrën mu..n kur e pranu-
an në OBT,pastaj për vrap të extra profitit transferu-
an industrinë dhbashkë me te edhe teknologjinë dhe e treta më e rëndësishmja mes disa shteteve që morën përsipër përpilimin e ATLASIT GJENETIK të
genomit njerzor e kyçën edhe kinën.Rezultati:Virusi
covid-19 jam i bindur eshtë prodhuar në laborator.
Tani me këto të dhëna për gratë shtatëzëna ata do të
synojnë të prodhojnë virus që do ti prekë të gjithë rracat njerzore përveç kinezëve,provat e para tashmë bëhen me ujgurët .
Super djajte “koken le te hane”..!Ne duam te gezojme jeten tone..!
Mundesia eshte qe kerkimet Kineze te kene per qellim projekte negative teper sekrete e te rrezikeshme .Kinezet duket se kene ne plane qe ne rruge e mundesi te ndryshme te godasin , ulin , e pse jo frenimin e lindshmerise te rraces se bardhe Europiane ne Europe dhe USA . Vigjilence nga Kina
Izoloni Kinen….ndryshe do na haje…….
Kinen e beri tafmaja e babezitja pa kufi e kapitalisteve amerikane por edhe atyre europiane qe kopjojne amerikanet te cilet ngriten gjithe industrine dhe e vendosen ne Kine per te pasur fitim me te madh si shkak i krahut te lire te punes.
Tashti po e shohin se ç’ pasoja po i sjell tahmaja e madhe.
Njerzit tahmaqare e qe s’ ngopen kurre jane te destinuar te vuajne ne mos nje menyre n tjetren denimin e Zotit .
Kerkime per arme biologjike per te targetuar individe me genome dhe adn te grupeve te ndryshme.