Te fundit
Bëri akrobaci mbi makinë për një video në ‘Tik Tok’, e pëson keq i riu nga Tepelena
19 Korrik 2021, 12:31Kronika
TEMA
Një 34-vjeçar nga Tepelena e ka pësuar keq nga uniformat blu, pas publikimit të një videoje në rrjetet sociale, ku shfaqej duke bërë manovra të rrezikshme në rrugë.
Bëhet fjalë për shtetasin me iniciale A.K. 34 vjeç, të cilit i është vendosur një gjobë me 60.000 lekë të rinj gjobë dhe bllokim mjeti.
Njoftimi i plotë:
Publikoi video duke kryer veprime të rrezikshme për sigurinë e jetës në rrugë, gjatë drejtimit të mjetit, shoqërohet në Polici, 34-vjeçari nga Tepelena.
Ndëshkohet me 60.000 lekë të rinj gjobë dhe me bllokim mjeti.
Shërbimet e Policisë Rrugore, duke marrë shkas nga publikimi i një videoje në rrjetet sociale, ku shfaqej një drejtues automjeti që kryente manovra të rrezikshme në rrugë, kanë identifikuar dhe shoqëruar në ambientet e Policisë, shtetasin A. K., banues në Tepelenë. Ky shtetas, më datë 17.07.2021, rreth orës 13:00, në rrugën e brendshme të fshatit Dragot, Tepelenë, ka kryer manovra të rrezikshme në rrugë duke drejtuar mjetin tip “Volksëagen”.
Për këtë shtetas është vendosur masa administrative 60.000 lekë të rinj, me sanksion plotësues ndalim administrativ i mjetit dhe tërheqje e lejes së qarkullimit për manovra të rrezikshme në rrugë, mosndryshim të pronësisë së mjetit brenda afatit dhe mosshlyerje të masave administrative brenda afatit ligjor.
Policia Rrugore apelon për respektim të rregullave të qarkullimit rrugor, për përgjegjshmëri e përgjegjësi për sigurinë e jetës gjatë drejtimit të automjetit, pasi cilido që do shkelë rregullat e qarkullimit apo do kryejë manovra të rrezikshme në rrugë, që cenojnë rëndë sigurinë rrugore do përballet me Policinë Rrugore, në zbatim të plotë të Kodit Rrugor.
Policia Rrugore falënderon qytetarët dhe median, për denoncimet e adresuara për shkelje të rregullave të qarkullimit rrugor dhe fton cilindo që do rregullin e ligjin të denoncojë pa hezitim çdo paligjshmëri, duke i garantuar anonim të plotë, reagim të menjëhershëm e të paanshëm.
4 komente në “Bëri akrobaci mbi makinë për një video në ‘Tik Tok’, e pëson keq i riu nga Tepelena”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo,
E pushkatuat hallexhiun!
T’ju vije turp per keto denime drakoniane prej serbesh,
Qe po i largojne shqiptaret nga vendi.
Burg e gjoba per çdo gje!
Me mire te ngeli bosh shqiperia sesa te kete keshtu qenie shpellaresh
Ti je idiot si ai. Nuk bëjnë pushuesit normalë gjëra të tilla, jo më që ky është vendali. Mos na cani shumë trapin e silluni mirë, se dhe kaq e kanë pak.
Mire ja keni bere. Edukimi nuk behet me lutje po permes detyrimit. Shume njerez nuk e dine cfare eshte ligji. Penalizimi i ndihmon ta kuptojne dhe zbatojne.