“Metoda më e mirë për të ulur mundësinë e ndërlikimeve të nënave”, SHBA rekomandon vaksinimin e grave shtatzëna

Dy grupe kryesore obstetrike në Shtetet e Bashkuara kanë rekomanduar që të gjitha gratë shtatzëna të vaksinohen kundër koronavirusit.

Kolegji amerikan i Obstetërve dhe Gjinekologëve dhe Shoqëria për Shëndetësi të Nënave, thanë në një deklaratë të përbashkët se të dhënat e marra gjatë muajve të fundit nga dhjetëra-mijëra gra shtatzëna kanë treguar se përdorimi i vaksinave kundër COVID-19 është i sigurt.

Infektimi me COVID-19 i vë gratë shtatzëna në rrezik të shtuar nga komplikimet e rënda, madje edhe vdekje. Por, vetëm 22 për qind e grave kanë marrë një ose më shumë doza të vaksinës kundër COVID-19, thuhet në të dhënat e Qeverisë amerikane.

Kjo shifër është e ulët krahasuar me numrin e përgjithshëm të vaksinuarve në SHBA, ku pothuajse 70 për qind e popullsisë së rritur në SHBA kanë marrë një ose dy doza të vaksinës.

“Vaksinimi kundër COVID-19 është metoda më e mirë për të ulur mundësinë e ndërlikimeve të nënave dhe fetusit nga infeksioni me COVID-19 te gratë shtatzëna”, tha doktori William Groman, president i Shoqatës për Shëndetësi të Nënave.

Këto dy grupe më herët kishin thënë se gratë shtatzëna nuk duhet të përjashtohen nga vaksinimi, por nuk e kishin mbështetur plotësisht marrjen e vaksinave për këtë kategori të shoqërisë.

Por, “rekomandimi i fuqishëm” që gratë shtatzëna të marrin vaksinën, sipas këtyre dy grupeve shëndetësore, erdhi për shkak të rritjes së shqetësimeve nga varianti Delta, i cili është më ngjitës dhe që po përhapet me shpejtësi në mbarë Shtetet e Bashkuara.

CDC: Lufta kundër koronavirusit ka ndryshuar

12:12 Bota

Krim i rëndë në Turqi, masakrohet familja kurde me 7 anëtarë

11:45 Bota

Autobusi nga Serbia del nga rruga në Gjermani, plagosen 19 persona, 9 në gjendje të rëndë

10:19 Bota

AstraZeneca mund të mos prodhojë më vaksina

09:42 Bota

''Pjesën tjetër ma lini mua'', Trump u kërkoi në dhjetor zyrtarëve të lartë të Departamentit të Drejtësisë t’i shpallnin zgjedhjet të korruptuara

09:13 Bota

Varianti Delta në Itali/ Sicilia, Kalabria, Campania dhe Lazio në rrezik për t’u kthyer në “zona të verdha”

09:00 Bota

Varianti Delta shkakton rritje shqetësuese të infektimeve me COVID-19 në botë

21:30 Bota

Obama feston 60-vjetorin, të ftuarit duhet të kenë test negativ të Covid-19

20:36 Bota

Trajtonte si skllevër rumunët, dënohet shqiptari në Britani: I linte punonjësit në një godinë me minj

19:47 Bota

ANALIZA: Shtetet e Bashkuara nuk janë një demokraci e realizuar

17:58 Bota