Situata me zjarret, ministria e Mbrojtjes: Situatë e rënduar në fshatin Thirrë të Mirditës, zjarri ka përparuar në dendësi pyjore

Ministria e Mbrojtjes ka dalë me një tjetër deklaratë pak minuta më parë ku thuhet se situata e zjarrit në Dukat është përmirësuar, por ndërkohë puna e forcave operacionale po vijon për mbajtjen nën kontroll të flakëve nga toka.

Situata paraqitet e vështirë në fshatin Thirrë, në bashkinë Mirditë, ku zjarri ka përparuar duke u futur në zonë me dendësi pyjore.

Në këtë vend forcat po punojnë për të ndërprerë vijën e zjarrit në afërsi të rrugës së fshatit, ndërsa në varësi të situatës mund të parashikohet edhe ndërhyrje nga ajri.

Njoftimi i plotë:

Situata e zjarrit në Dukat është përmirësuar, por puna e forcave operacionale po vijon për mbajtjen nën kontroll të flakëve nga toka.

E vështirë paraqitet situata në fshatin Thirrë, në bashkinë Mirditë, ku zjarri ka përparuar duke u futur në zonë me dendësi pyjore. Aty forcat po punojnë për të ndërprerë vijën e zjarrit në afërsi të rrugës së fshatit. Në varësi të situatës mund të parashikohet edhe ndërhyrje nga ajri. 

Vatra e zjarrit në fshatin Munellë-Domgjon, në Fan të Mirditës është izoluar në njërën anë, por ka përhapje në pjesën e sipërme, ku ndërhyrja bëhet e vështirë.

Edhe në Kukës në Majën e Rrunës, ndërhyrja është e vështirë për shkak të terrenit, por situata po mbahet nën kontroll, në mënyrë që të mos ketë përhapje.

Vatra të tjera, të cilat janë nën kontroll janë në luginën e Valbonës, në fshatin Klysyrë, në fshatin Gjorgos të Fierit, ku situata është përmirësuar.

Nuk ka rrezik për banesa dhe po mbahen nën monitorim vatrat; afër Kepit të Rodonit në Durrës, një vatër në fshatin Deshiran në bashkinë e Belshit, ku era po ndërlikon punën e forcave operacionale.

Zjarri në fshatin Treblovë, në bashkinë Selenicë është shuar

Një vatër në terren të vështirë është paraqitur në vendin e quajtur “Varri i Nures”, në kufi midis Përmetit dhe Skraparit në Bejkollarë, por nuk rrezikon përhapjen e flakëve. Po punohet për izolimin e saj.

Punonjësit e zjarrfikëses dhe emergjencave civile po punojnë për të mos lejuar përhapjen e flakëve në një vatër zjarri  në zonat e mbrojtura Parku Kombëtar Bredhi i Hotovës-Dangëlli, në fshatin Bejkollarë, në Gjirokastër.

Kreu i Kadastrës: Objektet në toka të djegura, nuk legalizohen

18:45 Sociale

Covid-19 në 24 orët e fundit: 1 viktimë dhe 139 raste të reja

17:39 Sociale

"Bregoviç në Festën e Birrës", drejtori i Arkivës: Debatet shterpë duan të përçajnë kombin tonë

16:38 Sociale

Eliminohet rreziku në vatrat e zjarrit në Dukat e Gjirin e Gramës

16:23 Sociale

Çuçi paralajmëron zjarrvënësit: Me zjarrin nuk luhet dhe as bëhet shaka, do përballeni me ligjin

15:48 Sociale

Shtatori i rrezikshëm, mjeku shqiptar: Varianti Delta të vaksinuarit i prek lehtë

15:46 Sociale

"30 euro për të hequr dorë nga shtetësia shqiptare", vendosen tarifat: 10 mije lekë për të marrë nënshtetësinë, për ta lënë e për ta rifituar

15:02 Sociale

Situata e zjarreve në vend/ Ministria e Mbrojtjes: Problematike flakët në Majën e Rrunës

14:31 Sociale

VIDEO: Saranda më e bukur se asnjëherë tjetër

13:57 Sociale

Zjarrfikësit në Vlorë të papaguar për orët shtesë, Leli: Pagesën nuk e kanë marrë për arsye të kufizimeve ligjore

12:01 Sociale