Te fundit
Arrestohet punonjësi i policisë në Tiranë, dhunoi fizikisht dhe plagosi 2 qytetarë
27 Gusht 2021, 19:19Kronika
TEMA
Një punonjës policie ka përfunduar në pranga, pasi ka dhunuar dhe ka plagosur dy qytetarë, duke përdorur postin e tij.
Njoftimi i Policisë
Drejtoria Rajonale e Shërbimit për Çështjet e Brendshme dhe Ankesat Tiranë ka arrestuar sot në flagrancë punonjësin e policisë, Inspektor Saimir Halilaj, 50 vjeç, me detyrë Trupë Operacionale në Repartin e Ndërhyrjes së Shpejtë Tiranë, i dyshuar për veprën penale “Plagosje e rëndë me dashje”, parashikuar nga neni 88/1 i Kodit Penal.
Arrestimi i tij u krye pas kallëzimit të shtetasve A.LL. dhe R.LL., si dhe të dhënave dhe fakteve të administruara nga kryerja e hetimeve paraprake.
Konkretisht, në orët e vona të mbrëmjes së datës 26.08.2021, punonjësi i policisë Halilaj (jashtë detyre) është përfshirë në një konflikt fizik me kallëzuesit dhe si pasojë e veprimeve të dhunshme, për shkak të intimidimit me anë të uniformës së Policisë, ai i ka shkaktuar dëmtime të konsiderueshme shtetasit A.LL., 53 vjeç, si dhe frakturë në krah, shtetasit R.LL., 15 vjeç.
Materialet i kaluan Prokurorisë pranë Gjykatës së Shkallës së Parë Tiranë për hetime të mëtejshme.
1 komente në “Arrestohet punonjësi i policisë në Tiranë, dhunoi fizikisht dhe plagosi 2 qytetarë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Futini brenda keta mostra. Po na behen si SH.I.K ne kohen e Berishes. Polici nuk perdor force te pajustifikushme ndaj qytetareve qe te hiqet i forte para gruas.