Te fundit
Zbulohet itinerari i kokainës me vlerë 100 milion euro të kapur në Malin e Zi, babë e bijë të arrestuar s'pranojnë autorësinë
28 Gusht 2021, 12:52Rajoni
TEMA
Mediat malazeze kanë zbuluar itinerarin e kontejnerit me banana, në të cilin u kapën 1.2 ton kokainë të ardhur nga Amerika Latine.
Kontejneri erdhi në portin e Tivarit nga Koperi me anijen “MSC Charlotte. Kjo e fundit shërben si anije për të shpërndarë kontejnerët në zonën e Adriatikut pasi ata vijnë në portet italiane me anije shumë më të mëdha.
Policia e Doganës si edhe ajo e rendit në Maline Zi kishin informacion se në atë kontejner nuk gjendeshin vetëm banana, por edhe kokainë duke e lënë fillimisht që të kalojë sikur nuk ka ndodhur asgjë. Kontejneri u nxor i pastër nga skaneri për të mos i dhënë mundësinë porositësve që të kenë dyshime se u zbuluan.
Ndërkohë që kontejneri doli nga porti, policia e ndoqi atë deri në fshatin Mojanovići. Pasi konstatuan futjen e kontejnerit në një depo të përdorur nga një biznes i zonës, policia ndërhyri duke arrestuar babë e bijë Budimir dhe Marina Kristoviç, të cilët akuzohen për kryerjen e veprës penale të prodhimit, mbajtjes dhe shpërndarjes së lëndëve narkotike. Të dy kanë mohuar përfshirjen në kontrabandën e kokainës në polici.
Policia është në kërkim të të dyshuarve të tjerë. Kokaina ishte e futur në 1 205 pako një kilogramshe dhe nëse do të kishte dalë në treg do të vlente 100 milion euro.
Lini një Përgjigje
Më të lexuarat
24 oret e fundit
Javen e fundit
Blog Tema
