Ndërsa përpjekjet e evakutimit të Shteteve të Bashkuara dhe tërheqja e plotë ushtarake nga Afganistani vjen drejt fundit këtë javë, vendimet e Presidentit Joe Biden, siç njofton korrespondentja e Zërit të Amerikës Michelle Quinn, po vihen në qendër të kritikave.

Janë orët e fundit të evakuimit nga Afganistani.

Edhe pas afatit të 31 gushtit, administrata Biden thotë se do të vazhdojë punën për të nxjerrë nga Afganistani qytetarët amerikanë dhe aleatët afganë.

Një zyrtar i lartë taleban tha se në të ardhmen njerëzit do të lejohen të udhëtojnë jashtë vendit.

Sekretari amerikan i Shtetit Antony Blinken tha se komuniteti ndërkombëtar do të ndjekë zhvillimet.

“114 vende e kanë bërë shumë të qartë se pritjet e tyre janë që talebanët do të respektojnë lirinë e udhëtimit pas 31 gushtit”, tha ai.

Të dielën, Presidenti Joe Biden nderoi 13 ushtarët amerikanë që humbën jetën në një shpërthim vetëvrasës javën e kaluar në aeroportin e Kabulit. Incidenti shkaktoi gjithashtu vdekjen e mbi 100 afganëve.

Tërheqja e Shteteve të Bashkuara nga Afganistani pritej të ishte e rrezikshme dhe kaotike, thotë administrata, ndërsa thekson suksesin e transportimit ajror të më shumë se 100 mijë njerëzve gjatë javëve të kaluara. Kritikët thonë se zoti Biden bëri shumë hapa të rrezikshëm.

“Presidenti Biden tha se nuk donte që çështja e Afganistanit t’u pasohej presidentëve të ardhshëm. Ai bëri të kundërtën. Për 20 vitet e ardhshme, presidentët amerikanë do të merren me këtë katastrofë“, tha Senatori Republikan, Lindsey Graham.

Këshilltari për Sigurinë Kombëtare në Shtëpinë e Bardhë, Jake Sullivan, thotë se sipas vlerësimit të agjencive të zbulimit, grupet terroriste në Afganistan nuk i kanë aftësitë të planifikojnë sulme në vende të tjera, por ekziston shqetësimi se mund t’i zhvillojnë këto aftësi.

“Ajo që kemi vërtetuar me kalimin e kohës në vendet tjera është se ne jemi të aftë të përballemi me kërcënimet e terrorizmit, përfshirë aftësitë për komplote të jashtme, pa qenë nevoja të kemi një prani të përhershme në terren”, tha ai.

Sekretari Blinken thotë se në të ardhmen ShBA do t’i kushtojë vëmendje të madhe Afgansitanit, por nuk do të ketë prani diplomatike atje.

“Ne duhet të shohim saktësisht se çfarë do të ndodhë në javët dhe muajt e ardhshëm sa i përket sjelljes së talebanëve dhe situatës së sigurisë në vend”, tha ai.

Zoti Blinken thotë se mundësia që një ditë ShBA të kthehet në vendin që e pushtoi për gati 20 vite, mbetet për t’u parë.

3 komente në “E ardhmja e Shteteve të Bashkuara në Afganistan”

Salikoqja says:

30 Gusht, 2021 22:58 te 10:58 pm

Afhanistani keto 20 vite te pushtimit Amerikan ke bere perparime te rendesishme. Sidomos Kabuli ku ndejten Amerikane eshte transformuar nga donacionet Amerikane dhe ato Evropiane. Por Afghanistani nuk jeton dot pa ndihmmat financiare te fuqive te medha. Sjellja e keqe e Talibanit do te thote ne vend numro ekonomikisht dhe nje gje e tille eshte incubator i revolucionit. Nq se tALIBANI NUK PERMIRSON EKONOMINE E PRET REVOLUCIONI I MASAVE.

Përgjigjjuni
Mos e beso po deshe, por eshte e vertete. says:

31 Gusht, 2021 02:59 te 2:59 am

Iken si shkerdhata, apo me mire me thene si kurvat.
I mbushen breket nga talibanet me brekushe te palara qe kur i kishin veshur, e bene 100 m nen 8 sekonda me gjithe pajimet 60kg ne shpine.

Përgjigjjuni
Asd says:

31 Gusht, 2021 09:21 te 9:21 am

Besoj qe zhvillimet e metejshme ne Afganistan do te jene pozitive. Edhe talebanet kane nxjerre mesimet e tyre. Moren pushtetin, tani do tu duhet te reformohen, pershtaten dhe te pranohen nga bota. Mundi dhe perpjekjet e SHBAve nuk kane shkuar kot. Fara eshte nen toke dhe lulet do te celin. Afganet e kane pare cfare ishte demokracia. Tani do te jete e veshtire ta harrojne ate. SHBA kontribuoi fort ne ate pjese te botes dhe une si qytetar i kesaj bote i falenderoj thellesisht.

Përgjigjjuni