Te fundit
Moderna: Një dozë e përgjysmuar e vaksinës e sigurt për fëmijët nga 6 deri në 11 vjeç
27 Tetor 2021, 10:26Bota
TEMA
Kompania farmaceutike amerikane Moderna thotë se një provë klinike tregon se një dozë e përgjysmuar e vaksinës së saj për COVID-19 është e sigurt për fëmijët nga 6 deri në 11 vjeç.
Kompania thotë se vaksinoi më shumë se 4,700 fëmijë me dy doza me rreth 28 ditë diferencë. Rezultatet paraprake tregojnë se nivelet e antitrupave tek fëmijët ishin të njëjtat me ato të vërejtura tek të rinjtë, që morën dozën e plotë të vaksinës.
Moderna thotë se fëmijët patën efekte të lehta anësore nga vaksina si lodhje, dhimbje koke, ethe dhe dhimbje në vendin e injektimit. Numri i subjekteve të testimit ishte shumë i vogël për të zbuluar ndonjë efekt anësor të rrallë si miokarditi, një inflamacion i zemrës, i cili është zbuluar kryesisht tek djemtë e vegjël, ose të rinj që kanë marrë ose vaksinën Moderna ose Pfizer.
Moderna thotë se së shpejti do t’ia prezantojë rezultatet e studimit Administratës së Ushqimit dhe Barnave (FDA) dhe rregullatorëve të tjerë globalë të barnave. FDA do të takohet të martën për të shqyrtuar një aplikim nga Pfizer dhe partneri i saj me bazë në Gjermani, BioNTech, për miratimin e vaksinës për fëmijët nga 5 deri në 11 vjeç.
1 komente në “Moderna: Një dozë e përgjysmuar e vaksinës e sigurt për fëmijët nga 6 deri në 11 vjeç”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po te ishte e sigurte nuk do ndalohej nga te gjtha vendet Skandinave perkatesisht deri ne 30 vjet dhe me sa di Islanda per te gjitha moshat.
E vetmja vaksine me sigurte deri tani eshte Novavax qe fillon ne dhjetor dhe eshte tradicionale si te gjitha ato qe kemi bere gjithe jeten