Bota “mban frymën”, Kina revoltohet nga kontaktet ushtarake mes SHBA-së dhe Tajvanit

Kina ka përsëritur kundërshtimet e veta ndaj lidhjeve ushtarake në mes të Uashingtonit dhe Tajvanit, pasi presidentja tajvaneze, Tsai Ing-Wen, ka konfirmuar se një numër i vogël i trupave amerikane janë prezente në ishull.

Kina Komuniste, e cila e konsideron Tajvanin si territor të saj, dhe është zotuar për ta përfshirë atë nën regjimin e Pekinit – qoftë edhe përmes forcës – ka rritur presionin ushtarak në këtë ishull, duke përfshirë edhe lëvizjet e aeroplanëve ushtarakë kinezë në zonën ajrore të mbrojtur të Tajvanit.

Tsai ka thënë në një intervistë për kanalin televiziv amerikan CNN, se në Tajvan gjendet një numër i vogël i trupave amerikane, që ndihmojnë me trajnim.

Ajo ka thënë se beson që ushtria amerikane do të mbronte këtë ishull në rast të sulmit nga Kina. Komentet e saj kanë qenë të parat që ka bërë ndonjëherë ndonjë president tajvanez prej vitit 1979, kur është larguar kontigjenti i fundit amerikan nga Tajvani.

“Ne kemi bashkëpunim me SHBA-në me qëllim të rritjes së kapaciteteve tona për mbrojtje”, ka thënë Tsai për CNN.

E pyetur se sa zyrtarë ushtarakë amerikanë gjenden në Tajvan, ajo ka thënë se “nuk janë aq shumë sa mendojnë njerëzit”. Komentet e saj kanë nxitur reagime në Kinë.

“Ne e kundërshtojmë çfarëdo forme të këmbimeve zyrtare apo ushtarake në mes të SHBA-së dhe Tajvanit, kundërshtojmë ndërhyrjen amerikane në punët e brendshme të Kinës dhe tentimet për të provokuar tensione”, ka thënë zëdhënësi i Ministrisë së Jashtme kineze, Wang Wenbin.

“Politika ‘Një Kinë’ është themeli i marrëdhënieve politike Kinë-SHBA”, ka shtuar Wang.

Skandal në shtetin anëtar të BE-së: Kryeministri shkroi doktoraturë, 54 faqe janë plagjiaturë!

21:35 Bota

“Politico” nxjerr hartën: Cilat janë vendet më të rrezikuara nga COVID në Europë?

21:25 Bota

Një grup miliarderësh amerikanë marrin nismën për krijimin e mediave të reja kundër dizinformacionit

20:55 Bota

SHBA drejt një doze të katërt kundër COVID-19

19:25 Bota

FOTOT/ Testi hipersonik i Kinës, SHBA e shqetësuar: Thuajse një moment Sputnik

17:02 Bota

Tërhiqet Putin, Rusia do të rinisë furnizimin me gaz të Europës

16:53 Bota

Ursula von der Leyen: BE në 2022 do të prodhojë 3.5 miliardë doza vaksine anti Covid

16:43 Bota

Eurodeputetët: BE të përshpejtojë integrimin e vendeve të Ballkanit Perëndimor

16:27 Bota

Pilula e re kundër Covid-19 dhe përpjekjet për ta shpërndarë atë në vendet në zhvillim

16:10 Bota

Samiti i G-20-ës dhe shqetësimet mbi pabarazinë në shpërndarjen e vaksinave

15:32 Bota