Te fundit
Haradinaj: Kosova po hyn në krizë të thellë, urgjentisht Ligji i Pagave të dërgohet për miratim
8 Nëntor 2021, 14:05Rajoni
TEMA
Kryetari i AAK-së, Ramush Haradinaj i ka dal në mbështetje punonjësve shëndetësorë të cilët kanë protestuar sot para Qeverisë së Kosovës me kërkesën që Ligji i Pagave të implementohet deri në janar.
Haradinaj ka thënë se kërkesë urgjente e AAK-së është që Ligji i Pagave të dërgohet për miratim në Kuvendin e Kosovës si dhe të përpilohet buxheti i ri në përputhje me nevojat që reflektojnë në përballjen me situatën e rëndë ekonomike.
“Kosova po hyn në krizë të thellë sociale. Qytetarët kanë filluar të përballen me mbijetesë. Rritja enorme e çmimeve ka goditur çdo shtresë të popullsisë.
Qeveria e Kosovës, i ka lënë në pozitë të vështirë kategoritë të cilat kanë bartur barrën kryesore të përballjes me pandeminë, si pasojë e së cilës edhe ekonomia edhe bizneset kanë përjetuar goditje të rëndë.
Për krejt këto arsye, sot jam me punëtorët shëndetësorë që protestojnë për të drejtat e tyre.
Qeveria duhet të kthjellohet urgjentisht dhe të konsiderojë të gjitha masat e nevojshme që e lehtësojnë përballimin e kësaj situate të rëndë.
Kërkesa jonë urgjente është që Ligji i Pagave të dërgohet për miratim në Kuvendin e Kosovës, si dhe përpilimi i buxhetit të ri të jetë në përputhje të plotë me nevojat imediate që reflektojnë përballjen me situatën e rëndë ekonomike e sociale”, shkruan Haradinaj.
Lini një Përgjigje
Më të lexuarat
24 oret e fundit
Javen e fundit
Blog Tema
