Te fundit
A duhet të rikthehet dënimi me vdekje? Rama: Shqipëria ka legjislacionin më të ashpër
17 Nëntor 2021, 09:12Kronika
TEMA
Kryeministri Edi Rama ka reaguar dhe në lidhje me thirrjet e dhjetëra njerëzve pas ngjarjes së rëndë në Fier, se në vendin tonë duhet të rikthehet dënimi me vdekje.
Kreu i qeverisë u shpreh se dënimi me vdekje nuk mund të rikthehet pasi është një çështje civilizimi dhe ka treguar që nuk i parandalon ngjarje të tilla të rënda.
Rama shtoi se problem në Shqipëri nuk është legjislacioni, pasi sipas tij është më i ashpëri, por papërgjegjshmëria e trupave gjykues.
“Unë e kuptoj reagimin me emocione shumë ekstreme të momentit nga një pjesë e konsiderueshme e shoqërisë, por çështja e dënimit me vdekje është e adresuar kohë më parë si çështje e civilizimit tonë nga të gjitha vendet e BE dhe më gjerë dhe në adresimin e saj ka pasur një proces të gjatë kur janë hedhur nga vendet e para hapat e këtij dënimi, bazuar në shumë analiza apo fakte që kanë folur qartësisht që jo vetëm në aspektin moral të një shoqërie demokratike, por dhe në aspektin praktik dënimi me vdekje nuk i bën të paevitueshme ngjarje të tilla.
Fatkeqësisht edhe në shoqëritë më të zhvilluar i kanë në gjirin e tyre këto qenie që janë në gjendje të shkojnë deri në shfaqjet më ekstreme të asaj që ka mbetur nga kafsha në qenien e njeriut. Kështu që rikthimi i dënimit me vdekje nuk është as i mundur dhe as një formulë për të parandaluar të tilla ngjarje të cilat ndodhin në të gjitha shoqëritë.
Në aspektin e kuadrit zgjedhor, Shqipëria ka të shkruar legjislacionin më të ashpër, çështja është zbatimi i tij dhe ajo që përbën një fatkeqësi për ne në shumë vite është pikërisht papërgjegjshmëria e trupave gjykues në raport me individë që kanë kryer krime deri dhe ekstreme, por edhe krime që në mos me vrasja kanë rezultuar në përdhunime dhe që janë lënë të lirë në sallën e gjyqit apo kanë marrë dënime shumë herë më të ulëta dhe më pas i kanë përsëritur duke shkaktuar dhimbje dhe plagë.
Mundësitë për të rishikuar legjislacionin është gjithmonë, por duhet ngritur trupi gjykues në nivelin e legjislacionit. Sfida nuk është të shkruajmë më shumë ligje, por t’i zbatojmë ato. Jemi duke reflektuar për një ndërhyrje në legjislacion që do ta përfshijmë në konsultimin kombëtar që unë kam lajmëruar ku do të pyesim popullin për një sërë çështjesh për të marrë një opinion të gjerë përtej partive për të hedhur disa hapa të guximshëm përpara”, tha kryeministri.
3 komente në “A duhet të rikthehet dënimi me vdekje? Rama: Shqipëria ka legjislacionin më të ashpër”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po ku e pyet popullin Ti more legen !Ti mer vesht kur tja bejn Zahos tend !
Ua c’eshte ajo fjale.Ne jemi shtet “demokratik”dhe si I tille nuk lejohet denimi kapital sepse ndryshe quhemi shtet dictatorial sic eshte Texasi,Japonia e cila aplikon akoma varjen ne litar.Tani jemi duke u marre me te drejtat e LGBT dhe vaksinimin ndaj Covid19 I cili ka bere “kerdine”nderkohe qe krimi ka marre permasa te frikshme.Sipas kesaj qe thua qe denimi me vdekje nuk mund te kthehet sepse eshte ceshtje civilizimi I bie me thene qe sa gjynah qe I varen ata te Libofshes ne 1992 ne mes te Fierit
Sa me shpejt te jete e mundur te kthehet denimi me vdekje