Te fundit
Edvin Kulluri: PD ka nevojë për një rrugë të tretë! Nuk mund të konfirmojmë një humbës serial dhe një dështak politik
3 Dhjetor 2021, 10:24Politika
TEMA
Kandidati për kryetar në Partinë Demokratike, Edvin Kulluri u shpreh se PD ka nevojë për një rrugë të tretë larg Lulzim Bashës dhe Sali Berishës dhe sipas tij shumë demokratë kanë nisur ta mbështesin dhe shprehin këtë gjë.
Kulluri i ftuar në studion e “Dita Jonë” e cilësoi Bashën si një humbës serial dhe dështak politik dhe bëri bashkëfajtor dhe Berishën që në 4 vitet e fundit ka miratuar në heshtje të gjithë vendimmarrjen e tij.
“Janë shumë njerëz që duan ta shohin të ardhmen e PD përtej Bashës dhe Berishës. Ka pasur një moment të sikletshëm për ne që kemi punuar në qeverinë Berisha edhe pse unë e vlerësoj. Momenti më problematik në lidershipin e Berishës ka qenë heshtja në këto 4 vitet e fundit.
Pasi miratimi në heshtje i atyre që kanë ndodhur e bëjnë po aq fajtor sa Lulzim Bashën. PD ka nevojë për një rrugë të tretë. Nuk ka nevojë as për t’u kthyer as për të vazhduar të konfirmojmë një humbës serial dhe një dështak politik të paprecedentë në historinë e PD.
Ata që thonë që nuk e dinin dhe nuk e kuptonin se çfarë po ndodhte në PD nuk po thonë të vërtetën. Nuk ka nevojë që ta themi ne këtu që përjashtimet e 28 mijë demokratëve për zgjedhjet për 21 janë një turp për PD. Kush doli të bënte avokatinë e këtyre njerëzve?
Vetëm Grupimi për PD. Në 2017 një njeri ka votuar 7 herë për Lulzim Bashën. Pse vetëm për Sali Berishën është marrë vendim personal duke u shkelur statute? Ky është vendimi i disatë antistatutor dhe antiligjor. Në politikë “reset-ët” nuk janë zgjidhje. Rikthimi aty ku ishim nuk çon përpara”, u shpreh Kulluri .
4 komente në “Edvin Kulluri: PD ka nevojë për një rrugë të tretë! Nuk mund të konfirmojmë një humbës serial dhe një dështak politik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Per Salen nuk ke cfare te thuash,e pame 30 vjet se sa i poshter eshte dhe sa krime ka kryer.Por kur sheh edhe kete Lulin se si flet,eshte me ik me vrap.Nuk ka ka fare stof lideri,flet si i programuar me nje stil burokratik,si dru,nuk eshte spontan,cdo gje me programim.Nuk te ben qe te inkuraroje shprese,ngre probleme idiote ku permblidhen vetem ne 100 fjale.lere pataj te mendosh se Luli i jep zgjidhje problemeve.Tek Pd-ja,fatkeqsisht jane te gjithe ne nivel o per lidership.Ke te marresh e ke te lesh.
Une nuk jam me Bashen por ne raport me nje “molusk”si puna jote me Bashen per tutta la vita
Më 2017 -ën , një njeri ka votuar 7 here për Lul Bashën (SB) .
Kullur, këto shko j’a u thuaj atyre shokëve të MASAKRËS , sidomos atij kryetarit se ay do ketë votuar 7 herë !
Jeni te nje corbe, keni jetuar ne te njejten kenete. Shpresoni te fitoni partine duke share njeri tjetrin. Nuk keni ide te reja, nuk ngriheni dot mbi ideologjine e deritanishme te PD. Duhet nje brez i ri politikanesh.