Kundër Vuçiç dhe korrupsionit, dy arsyet ‘e konsumuara’ të protestës së Berishës

Sali Berisha e konsideron të mbyllur betejën me Lulzim Bashën për kontrollin e Partisë Demokratike dhe ka thirrur protestën e parë kombëtare ditën e hënë, në të njëjtën ditë që në Tiranë mbërrin presidenti serb, Aleksandër Vuçiç në kuadër të nismës së Ballkanit të Hapur.

Berisha tha në intervistë televizive se protesta thirret për dy arsye.

“E pata paralajmëruar Millosheviçin e ri që të mos vijë se do të pritet me protesta. Protesta do të mbahet kundër Ballkanit të Hapur dhe kundër korrupsionit”, deklaroi ai.

Berisha ka kundërshtuar nismën e Ballkanit të Hapur, që e cilëson një ide të Beogradit për të krijuar Jugosllavinë e re. Sipas tij, kjo nismë është kundër interesave të shqiptarëve, ndaj duhet kundërshtuar.

Arsyeja e dytë thirret kundër korrupsionit, në një kohë që SPAK ka arrestuar ish-ministrin e Mjedisit, Lefter Koka për çështjen e inceneratorëve, ku ai akuzohet se ka marrë ryshfet 3.7 milionë euro në këmbim të firmës për ndërtimin e incineratorit të Elbasanit.

Dy arsyet e dhëna nga Berisha duken të menduara mirë për të maksimizuar protestën e thirrur prej tij. Së pari, Berisha po luan me kartën e patriotit përmes kundërshtimit të Ballkanit të Hapur, një nismë e kritikuar në Tiranë. Megjithatë, karta e patriotit në dorën dhe oratorinë e Berishës nuk është krejtësisht e re.

Akuza ndaj tij në këtë drejtim janë të shumta, por dy janë kryesoret dhe më të mëdhatë në dy ngjarje që prekin shqiptarët në trojet e tyre në veri dhe në jug. Në veri, Berisha u akuzua se shkeli embargon e OKB-së dhe furnizoi përmes Malit të Zi me naftë makinerinë luftarake të Millosheviçit, në një kohë që kjo e fundit masakronte shqiptarët në Kosovë.

Në jug, Berisha u akuzua për marrëveshjen e Detit me Greqinë, një marrëveshje ku “bashkëpunëtor” ka edhe Lulzim Bashën. Marrëveshja, që në Athinë, ish-ministrja e Jashtme greke, Dora Bakojanis e cilëson “kryevepër”, në Shqipëri u akuzua se i falte Greqisë mijëra kilometra ujëra detare në Jon. Gjykata Kushtetuese u dha të drejtë këtyre akuzave, duke rrëzuar marrëveshjen.

Së dyti, Berisha luan me temën e ndjeshme të korrupsionit dhe perceptimin e shoqërisë për përhapjen e tij në Shqipëri. Kjo nuk është hera e parë që Sali Berisha përdor kartën e të pakorruptuarit. Me sloganin “Me duar të pastra” ai erdhi në pushtet në vitin 2005, por e la pushtetin në 2013 me një sërë akuzash të adresuara ndaj qeverisjes së tij tetëvjeçare, sidomos në mandatin e dytë në koalicion me LSI-në.

Akuzat u ngritën që me Gërdecin, 21 janarin, e deri te koncesionet e tenderat, si ai i skanimit në dogana dhe i ndërtimit të Rrugës së Kombit, që kanë dhënë peshën kryesore në vendimin e Departamentit të Shtetit që e shpalli publikisht me 19 maj non grata për përfshirje në korrupsion domethënës.

Kadilli-Bashës: Je humbës, largohu bashkë me Berishën

17:40 Politika

FOTO LAJM: Larg zhurmës së PD-së, Meta kalon fundjavën në perfieri të kryeqytetit

17:26 Politika

Grida Duma: Do apo s'do Berisha, kryetari i PD je ti Lulzim Basha

17:14 Politika

Paske lindur me këmishë o Edi Rama

17:08 Politika

“Matematicienti im”, Topalli ironizon Bashën për pjesëmarrjen në Kuvend: Gjithmonë i dalin më shumë vota se delegatë

17:00 Politika

Kuvendi i PD, Kapllanaj: Berisha është komunist e mashtrues

16:47 Politika

Tre mitet e rreme në PD dhe pse kura e Doktorit do ta vrasë partinë

16:29 Politika

Roland Bejko i drejtohet Bashës: Berisha të vuri si instrument të vetin, ja pse një pjesë e demokratëve po vrapojnë pas tij

16:18 Politika

Flutura Açka: Isha në rrebeshin e fyerjeve deri edhe kërcënimeve pse thashë të vërtetën time

15:48 Politika

“Përplasje mes Lindjes dhe Perëndimit”, Salianji thumbon referendumin e Berishës: Kjo sallë ndrin, nga ana tjetër nëpër qoftore dhe bilardo…

15:36 Politika