Te fundit
Akademiku boshnjak: Kosova i shpëtoi gjenocidit dhe u bë shtet, në Bosnjë kërkojnë shtet ata që bënë gjenocid
26 Dhjetor 2021, 16:19Rajoni
TEMA
Shkrimtari, akademiku dhe skenaristi boshnjak, Abdulah Sidran the se anëtari serb i Presidencës së Bosnjë e Hercegovinës, Milorad Dodik po sillet sipas planeve të ekspertëve të Beogradit.
“Mendoj se ekspertët nga Beogradi e edukuan Dodikun në këtë mënyrë”, thotë Sidran, i cili bëri një dallim mes Kosovës dhe Bosnjës.
“Dallimi në mes Bosnjës dhe Kosovës është se Kosova fitoi të drejtën e pavarësisë për shkak se u përball me një tentativë gjenocidi dhe ata që i shpëtuan tentim-gjenocidit kanë të drejtë të shkëputen, ndërsa në Bosnjë shkëputjen e kërkojnë ata që kanë kryer gjenocid”, tha ai në një emision televiziv, shkruajnë mediat boshnjake.
Për situatën në Bosnjë, Sidran tha se rrethanat nuk janë aspak të lehta. Sipas tij, këshilli i intelektualëve boshnjakë është adresa për ta trajtuar situatën.
I pyetur nëse është koha për të thirrur një seancë më parlamentin boshnjak, Sidran tha:
“Kjo është pyetja kryesore. Ideja është që gjithçka të shkojë në mënyrë multietnike dhe shtetërore dhe kështu do të shkojë, ne nuk kemi nevojë vetëm për boshnjakët”, tha ai.
Anëtari serb i Presidencës së Bosnjë e Hercegovinës, Milorad Dodik kërcënoi hapur të mërkurën se do ta ndalojë punën e organeve gjyqësore shtetërore në territorin e Republika Srpskas dhe se ligjet e RS do të miratohen brenda një muaji për t’i legalizuar përpjekjet e para konkrete për shkëputjen nga Bosnja.
Dodik sulmoi vendet e Evropës Perëndimore dhe Shtetet e Bashkuara të Amerikës dhe u tha qeverive të këtyre vendeve se ato janë jodemokratike dhe se politikat e tyre do të dështojnë ta shpëtojnë Bosnjën. Ai u shpreh i shqetësuar veçanërisht nga ministrja e re e e Punëve të jashtme në Gjermani, Annalena Baerbock, e cila mbron hapur propozimin për sanksionimin e Dodikut dhe bashkëpunëtorëve të tij.
Ai konfirmoi se politika e tij nuk ka shumë mbështetës në Evropë, por vlerësoi kryeministrin hungarez Viktor Orban, të cilin e quajti “një burrë shteti i rëndësishëm evropian” dhe “vizionar”, ndërsa tha se RS do të vazhdojë të zhvillojë marrëdhënie miqësore me Hungarinë.
Së fundmi, gazeta britanike, The Guardian shkroi se Komisioneri i Bashkimit Evropian për Zgjerim, Olivér Várhelyi, i afërt me kryeministrin e Hungarisë, Viktor Orban, i ka kërkuar Dodikut vetëm shtyerjen e planit të tij për shpërbërjen e Bosnjës. /Express
5 komente në “Akademiku boshnjak: Kosova i shpëtoi gjenocidit dhe u bë shtet, në Bosnjë kërkojnë shtet ata që bënë gjenocid”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
NJELLOJE SI NE SHQIPERI .AI QE I VRAU ,I VODHI ,DHE DESHE TI BOMBARDONTE ,SOTE PO KERKONE QE TE VENDOSE FOLTOREN E DEMOKRACISE NE SHQIPERI . PRA ESHTE PRAPE PO AI NJERI QE DESHE TE ZHVILLONTE NJE LUFTE CIVILE NE ATE VENDE .KETA KOPILAT E SERBISE PASKAN TE GJITHE SEMUNDJEN E SHUSHUNJAVE . MIRE QE TE VRASIN ,PORE NUKE U NGOPKAN KURRE ME GJAKUN E THITHUR.
Bosnia ia beri vetit: nuk deshti me njohur kosoven as me forcuar marredhenjet me kosoven e Sandjakun kur pat gjithe perkrahjen nderkombtare per kete , po zgedhi me lallush Dodiçin! Tash e paguan reston!
Ky Dodiku ka mbi 20 vjet qe punon ta destabilizoje bosnjen. Nese bosnia coptohet kjo do te jete nje fitore e ortodoksise. Perendimit i rrofshin forcat e SFOR- it ne bosnje.
nese serbet e Bosnjes kembgulin per shkeputje athere duhet te obligohen te lirojn 20% te territorit. Dhe te marrin 30% te bosnjes sa jan ne numer popullimi. Dhe njekohesisht duhet qe Bosnja ta rikthen Sangjakun e serbise ne gjirin e saj.
Te pakten Dodiku e ka emrin MILORAD dhe jo ABDULLAH… E kuptoni dallimin…???!!!