Te fundit
Basha e pret me mbledhje protestën e Sali Berishës, në seli që në mëngjes herët: Vallen e Osman Takës do e kërcejmë më vonë
8 Janar 2022, 08:51Politika
TEMA
Edhe pse sot është thirrur protesta e Sali Berishës në selinë e Partisë Demokratike, kreu i kësaj partie, Lulzim Basha, duket se e konsideron një ditë normale pune.
Sot, në orën 11:00, një orë para nisjes së protestës, është thirrur një mbledhje e Kolegjit të Kryetarëve të Partisë Demokratike, për të diskutuar mbi kalendarin dhe masat për organizimin e partisë.
Ndërkohë, Lulzim Basha është paraqitur në seli pak pas orës 08:00 të mëngjesit.
“Mirëmëngjesi, qenke zgjuar herët shumë. Bravo të qoftë. Ndryshe nga vallja e Osman Takës. Do e kërcejmë më vone atë, pa merak”, i tha Basha njërit prej gazetarëve.
Sekretari i Përgjithshëm i PD-së, Gazment Bardhi, iu ka dërguar kryetarëve të degëve një mesazh, ku tregon axhendën e mbledhjes.
“Të nderuar Kryetarë,
Të shtunën, datë 8 Janar, ora 11:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor “Për miratimin e programit organizativ të Partisë Demokratike”.
Në mbledhje merr pjese edhe sekretariati i Partisë. Programi i diskutuar dhe miratuar nga Kolegji i Kryetarëve, do t’i nënshtrohet më pas miratimit nga Kryesia e Partisë, e cila do të mblidhet po atë ditë”, lexohet në mesazh.
Lini një Përgjigje
Më të lexuarat
24 oret e fundit
Javen e fundit
Blog Tema
