Te fundit
Kërkesa e Metës për largimin e trupës gjykuese, gjykata tërhiqet për vendim
1 Shkurt 2022, 11:27Politika
TEMA
Në Gjykatën Kushtetuese ka nisur prej orës 10:00 seanca ku do të shqyrtohet vendimi i parlamentit për shkarkimin e Ilir Metës. Meta nuk ishte i pranishëm në seancë, por përfaqësohet përmes përfaqësuesve të tij ligjorë.
Pasi përfaqësuesi ligjor i Metës, Bledar Dervishaj kërkoi dorëheqjen e trupës gjykuese pasi nuk janë të paanshëm, Gjykata Kushtetuese është tërhequr për një vendim.
Klotilda Bushka përfaqësuese e Kuvendit u shpreh se me këtë kërkesë, Ilir Meta po tenton që të zvarrisë procesin.
“Afati që thoni ju nuk prodhon asnjë pasojë. Nuk shohim të ketë ndikim në proces se i vetmi pretendim që do kërkohej do ishte e drejta e dëmshpërblimit financiar.
Nuk gjykojmë që ka shkelje. Argumente për shkelje të procedurës nuk ekzistojnë dhe nuk e cenojnë gjykimin e cështjes.
Shkaqet që ngrihen në kërkesën e përfaqësuesit të presidentit na ngjajnë abuzive dhe me synim shtyrjen e gjykimit. Kërkoj rrëzimin e kërkesës së Presidentit për dorëheqje të gjyqtarëve” tha ajo.
Trupa gjykuese është tërhequr për të marrë një vendim mbi kërkesën e Presidentit për tërheqjen e gjyqtarëve.
Lini një Përgjigje
Më të lexuarat
24 oret e fundit
Javen e fundit
Blog Tema
