Te fundit
Deklarata e Peskov për armët bërthamore, Pentagoni: E rrezikshme
23 Mars 2022, 11:28Bota
TEMA
Pentagoni dënoi deklaratën e zëdhënësit të Kremlinit, Dmitri Peskov se Rusia do të përdorte armët bërthamore në rastin e një kërcënimi ekzistencial.
Zëdhënësi i Pentagonit, John Kirby i cilësoi komentet si të rrezikshme, por tha se deri më tani nuk kanë parë diçka që mund t’i çojë drejt ndryshimit të pozicionit parandalues strategjik.
“Retorika e Rusisë është e rrezikshme. Kjo nuk është mënyra se si duhet të veprojë një fuqi bërthamore”, tha John Kirby.
Në një intervistë ekskluzive për Christiane Amanpour të CNN, Peskov nuk përjashtoi mundësinë e përdorimit të armëve bërthamore në mesin e tensioneve me Perëndimin për luftën në Ukrainë. Kjo sipas tij do të ndodhte vetëm në rastin e një kërcënimi ekzistencial.
“Ne kemi një koncept të sigurisë së brendshme dhe ai është publik. Mund t’i lexoni të gjithë arsyet përse mund të përdoren armët bërthamore. Kështu nëse ka një kërcënim ekzistencial për vendin tonë ato mund të përdoren”, u shpreh Peskov.
Rusia është vendi me më shumë testata nukleare në botë dhe presidenti Putin urdhëroi vendosjen e këtyre armëve në gatishmëri të lartë pas nisjes së ofensivës në Ukrainë.
1 komente në “Deklarata e Peskov për armët bërthamore, Pentagoni: E rrezikshme”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Deklarata e Peskov ? Ka ardhe koha qe ti tregoni dhembet russise se ngeli duke ju mbajteur ne ajer me gjoja kercenim berthamor ,po ka per te ndodhur do ndodhe ,po qe te presesh dita dites me kercenimin per lufte berthamore ,duke e perdorur kete gje per cdo rast me duket shume e ulet nga nje shtet si Usa ,Neser mund te cohet irani apo koreja e veriut , cdo beni do rini si muti ?