Te fundit
Po sikur të jetë skenar?
30 Shtator 2024, 08:44Blog
TEMA
Nga Ardi Stefa
Po sikur të jetë skenar arrestimi, martirizimi, heroizimi dhe qurravitja për Ervin Salianjin?
Këtë variant e diskutuam të premten kur pritej arrestimi i tij dhe nga selia blu po dilnin skenare të llahtarshme të mosbindjes civile; ndërprerjes së marrëdhënieve institucionale me mazhorancën; ngujimit si Oso Kuka, protestat masive dhe bllokimet e paralizimin e jetës në Shqipëri.
Të gjitha këto pasuan qurravitjet e Gridës dhe gridave të tjera politike nëpër studio televizive, madje si në asnjë rast tjetër, edhe vetë kryeministri reagoi nga përtej Atlantikut dy herë në lidhje me dënimin e Salianjit.
Si asnjëherë tjetër opinioni publik e politik u nda në dy pjesë.
Madje ky rast u quajt si vija e kuqe dhe etaloni i Demokracisë dhe Drejtësisë në Shqipëri ose i mungesës së apo shkeljes së Demokracisë dhe Drejtësisë.
Mijëra rreshta e qindra orë televizive u konsumuan për këtë rast.
Natyrisht që diçka këtu vjen erë.
Fronti opozitar është i përçarë në shtatë apo tetë parti e lëvizje.
Partia Demokratike kuotat i ka pothuajse në pikën zero. Elektorati dhe mbështatësit e saj po tkurren gjithnjë e më shumë. Fitorja e saj në 2025-ën është vite drite larg dhe as që i shkon në mendje edhe militarit më optimist e të verbër. “Legjenda demokratike” është në arrest shtëpiak dhe të gjitha lëvizjet dhe diskursi i tij tregojnë se është i shkëputur nga realiteti politik dhe, ndoshta, nuk e kontrollon dot më as partinë. Dhe, me sa duket, këtë gjë kanë filluar ta kuptojnë shumë veta.
Atëherë çfarë duhet bërë?
Megjithëse “legjenda demokratike” dëshiron të jetë i vetmi hero, Partisë Demokratike i duhet një “hero” tjetër.
Dhe e gjetën tek një figurë politike, e cila nuk gëzon ndonjë simpati të madhe tek demokratët apo në opinionin publik. Tek shumëpërdorimshmi, Ervin Salianji...
Dhe, megjithëse është dënuar për falsifikim provash, u duhet si “hero” atyre që investojnë tek ai!
U duhet që të jetë kondrapedali i “heroit” tjetër të ngujuar.
Dhe skenari mund të jetë: “Salianji hyn në burg. Aksionet e tij tek militarët e PD rriten, sepse hyri heroikisht e bëri burg për partinë. Bën tre ose katër muaj dhe del. Por ligji i dekriminalizimit e pengon që të kandidojë për 5 vite për deputet. Natyrisht që duhet shpërblyer. Këtu i vjen në ndihmë humbja e erishës në 2025.
Salianji dhe salianjët mbështetës e shfrytëzojnë këtë gjë dhe “Heroi që bëri burg për partinë” me bekimin edhe të Metës merr Partinë Demokratike.
Por natyrisht që PD është parti familjare. Salianji do ta mbajë PD për aq kohë sa të kalojë drejtimi “natyrshëm” tek Argita. Kështu digjen kundërshtarët e saj në PD: Belind Këlliçi dhe Gazment Bardhi!”.
Hmmm... i zymtë si skenar, por i mundshëm.
Më mirë do të ishte skenari tjetër i marrjes së PD nga Salianji që të bashkohen të gjithë kundërshtarët, por ky skenar është i pamundur!
Por mjerë ata popuj e ato parti që kanë nevojë e prodhojnë “heronj”!
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Race muti Pedeja do te nxjere jo heronj po hajduta dhe kriminela,duhet nxjere jashte loje se vetem per te shkateruar jane.!!!
Hahaha!!! Ti bythelepires i Bujar Leskes, qe ke gjashte vjet, qe leh si qen per ' babalomanine'! Ti, si gjithe minjte ne pergjithese e ndjeve ( apo t'a tha Bujari se anija juaj po mbytej, apo)??? Je nje bire anetari i PPSH - se qe nuk di te besh asnje gje ( vjedhjen e keni profesion). Is too late!!! Ti nuk di anglisht, por kerko ndihme te kuptosh...
Ky skenar mund të realizohej po të përdorej në prapaskenë e gjithë trupa gjykuese, që i dhuroi burgun intrigantit. "Hëmmm, skenar i zi, po me pak gjasa..." Ky skenar duket si i vjedhur me anë të teletajpit të telepatisë nga koka e konspiracionistit të rrethit katror, vetë shkëlqesisë së tij të errët, zotit Alfred Çako.
Ne folklorin tone eshte nje cikel kengesh qe emertohen : “Kenge kacakesh,” te cilet paraqiten ne vargje si heronj. Ende ne ditet tona ka historiane qe i glorifikon keto figura. I njejti mekanizem kolektiv po funksionon edhe per Salianjin, nje figure teper ordinere dhe e perdoreshme qe paraqitet si liberator, kur, ne te vertete, eshte nje fallsifikator!