Shoqëri e mbyllur, shoqëri e hapur, shoqëri e shqyer

Shoqërinë e mbyllur ne shqiptarët e njohim mirë. Në thuajse tërë dimensionet e saj. Kemi qënë me dhjetra vite të mbyllur fizikisht dhe mendërisht. Kjo gje solli vonimin tonë mendor dhe zhvillimor si krijesa sociale dhe intelektuale. Për këtë arsye madhore, edhe  relativizimin dhe ngjyrosjen e ngjarjeve e njohim mirë. Arritëm si shoqëri të relativizonim të keqen. Ndaj, në këtë sfond historik është shumë e vështirë sot t’ja hedhësh një populli të kthyer në cinik dhe skeptik të pashërueshëm.
kemi një ngjarje me ylber. Në gjuhën shqipe të klasës së tretë kemi një magjistar Merlin. Magjistari Merlin është me krahë si zanë dhe me fustan me ngjyra ylberi. Këtë mund të përpiqesh ta relativizosh sa te duash, por Magjistari Merlin nuk ka lidhje me fustan a tunike ngjyrë ylberi. Magjistari Merlin ose simboli I një magjistari është gjithmonë blu ose gri me ndonje yll në kapele e me mjekrën e bardhe ose gri. Ka një gjuhë simbolesh që eshtë më e pranuara pa pasur nevojë për ndërmjetësimin e gjuhës.
 
borëbardha nuk mund të jetë zezake. Superman nuk mund të jetë gay. Kupola Sistine nuk mund të jetë rraciste dhe suprematiste e bardhë. (po, edhe kjo është thënë, nga një grafomane amerikane, Robyn Diangelo që pretendonte se vizatimii krijimit ne Kapelen Sistine ishte qëllimisht I bërë nga Michelangelo për të lavdëruar racen e bardhë meqë adami është I bardhë dhe zoti gjithashtu) as Akili nuk mund të jetë zezak. Kinematografia tashmë është dëmtuar rëndë nga antistereotipat dhe dëshira patologjike për të rivlerësuar tërë njerëzimin sipas metrikave të shoqërisë së hapur. Një tentativëe e tillë po përpiqen ta bëjnë dhe në letërsi. Duan të rishkruajnë Roald Dahl, Piter Pan, Liza në botën e çudirave, e të retushojnë tërë letërsinë e para 30 vjeçarit të hapur.
kjo është praktikë e një shoqërie të shqyer. Kur zhvillimi social arrin te retushi historik, goja e çapëlyer e kësaj shoqërie të shqyer do na gllabërojë.
kështu dhe Merlin Magjistari me fustan ylberor. Shkenca e komunikimit I ka zgjidhur këto ngjarje duke I percaktuar me terma të qartë; reklamë okulte.
reklamë e kujt në fakt? Që në kohët antike, janë përdorur mekanizma vizuale triviale për të atashuar forma të ndryshme pushteti. Kështu, si Zeusi identifikohej nga rrufetë e bubullimat, apo si perëndia e lashtë Sol që gjendej ndër Romakë, Ilirë e Persë, që identifikohej me diellin e gjithpushtetshëm, sot, në mënyrë të drejtë, për të simbolizuar lëvizjen LGTBQ kanë zgjedhur të përdorin simbolin e fuqishëm të ylberit. (koincidencë shumë gallatë është që në kulturën tonë dikur të mbyllur, kur kapërceje ylberin supozohej të ndërroje gjininë)
sigurisht, kur shohim ylberin në qiell nuk na shkon mendja te LGBTQ dhe kauzat e tyre të përditshme. Sic kur dëgjojmë një bubullimë nuk mendojmë se Zeusi është duke bërë qejf. Ama kur shohim magjistarin Merlin me fustan ylberor te kopertina e gjuhës së klasës së tretë, e dime shumë mire, si shoqëri e dale nga relativizimi dhe injektimi okult i ideve si farë, që është thjesht një menyrë tinzare për tu ngjallur fëmijëve kuriozitetin mbi botën e gjinisë fluide. Dhe në mos për tu ngjallur kuriozitetin, sepse jane ndoshta ende të vegjël për tu përqasur me konotacione seksuale, për tu familjarizuar këtyre fëmijëve imazhet e simboleve të fluiditetit gjinor. Që në një kohë të dytë, të jenë bërë ca kanale në kokat e tyre të vogla. Të tërë e dime këtë gjë. Të gjithë e kuptojmë mirë. Por debate nis nga grupe të caktuara interesi. Disa për interesa sociale, disa për interesa të pastra financiarë e sponsoriale, disa për interesa lëpirës të një lobi të caktuar shoqëror ultramajtist ultraliberal që sot faktikisht drejton më së shumti Europën dhe një pjesë të mire të botës, keta disa bejnë apologji nga më absurdet të këtij fenomeni për ta relativizuar e quajtur normale.
Një ndër gjerat më absurde të këtij relativizimi ishte një botuese që thoshte që librat nuk janë kaq të rëndësishëm në shoqëri, mos u trembni kaq shume nga ta.
Sikur të ishte pastaj, hera e parë. Para disa vitesh, një projekt i ambasadës Hollandeze asokohe implementoi në tekstet shkollore një tekst alternativ abetareje, ku vajza lidhej me vajzën, e djali me djalin.
Për të përmbledhur. Unë jam për shoqëri të hapur. Gjithësekush të ketë të drejtën të jetojë si ti vijë mbarë. Mos i bëj tjetrit ate që nuk do që të ta bëjnë ty. Liria jote mbaron aty ku fillon liria e tjetrit. Me ngazëllen shoqëria e hapur, ku njerëzit janë të lumtur dhe të shprehur lirshëm, çfarëdo që kanë për të thënë. Ku unë nuk përcaktohem paraprakisht nga kombesia, feja, gjinia, por nga ajo çka bëj. E besoj, çdo shqiptar që e ka ndjerë si damkë çdo formë përkatësie, partiake, kombetare, fetare, sot ka mundësinë të ndërtojë një shoqëri të hapur e multiidentitare.
Ama askush nuk më imponon dot diktaturën e shoqërisë së shqyer. Dhe kini kujdes, se e tërë ultraliberalja po kthehet tinëz si vetë reklamat e saj obsolete, në një diktaturë.    

Zgjedhjet do jenë një banjë balte për PD-në?!

19:54 Blog 1 koment

“14-vjeç nënë, dhëndri në burg!” - Drama shqiptare dhe ‘shkopinjtë e Maliqit’ që shfaqen “ashiqare”

19:41 Blog 15 komente

Plani i Ramës - Ethet e Asamblesë dhe Shqipëria si atdhe i njëshit dhe prijësit

18:52 Blog 6 komente

Socialistët e vërtetë dhe kazerma elektorale e Ramës nuk janë e njëjta gjë

17:49 Blog

Poshtërimi i Atdheut përmes Futbollit

10:49 Blog 35 komente

Drejtues politikë që realizojnë objektivat e Berishës, por jo rotacionin

10:31 Blog 2 komente

Gabimi elementar i Albin Kurtit dhe mësimet e vyera prej tij

09:56 Blog 10 komente

Kur vdiq nënë Tereza

17:51 Blog 4 komente

PD është infertile; edhe po lindi, kthehet në barkun e nënës

15:29 Blog 4 komente

Gazi fierak dhe Boçi shkodran, fushata e qepur me pe të bardhë e PD

13:22 Blog