Te fundit

"Akuza të rreme nga Teherani", Argjentina dëbon ambasadorin iranian

2 Prill 2026, 22:30Bota TEMA
"Akuza të rreme nga Teherani", Argjentina dëbon ambasadorin

Argjentina ka dëbuar të ngarkuarin me punë të Iranit, Mohsen Soltani Tehrani, pas një përshkallëzimi të tensioneve diplomatike mes dy vendeve.

Diplomatit iranian i është dhënë një afat prej 48 orësh për t’u larguar nga vendi, pasi autoritetet argjentinase i cilësuan deklaratat e Teheranit si “akuza të rreme, ofenduese dhe të pabaza”.

Vendimi i Buenos Airesit vjen vetëm dy ditë pasi qeveria e Presidentit Javier Milei e shpalli Gardën Revolucionare Islamike të Iranit (IRGC) si “organizatë terroriste”, një hap që përshkallëzoi më tej marrëdhëniet mes dy vendeve.

Në reagim, Ministria e Jashtme e Iranit akuzoi Argjentinën për “mbështetje të agresorëve” dhe për shkelje të ligjit ndërkombëtar.

Autoritetet argjentinase theksuan gjithashtu mungesën e bashkëpunimit nga ana e Iranit në hetimet për sulmin me bombë të vitit 1994 në Buenos Aires, ku humbën jetën 85 persona dhe u plagosën mbi 300 të tjerë në selinë e Shoqatës së Ndërsjellë Argjentinase-Izraelite (AMIA), një nga sulmet më të rënda terroriste në historinë e vendit.

1 Komente

  1. a
    a
    2 Prill 2026, 23:24

    Po natyrisht.. Argjentina eshte nen urdherat e Izraelit, sic jemi dhe ne.

    Përgjigjjuni

    Lini një Përgjigje

    Më të lexuarat

    Blog Tema

    Powered by Tomorrow.io