Ankthi në Ukrainë: zbulohen mina përreth centralit bërthamor të Zaporizhias

Agjencia Ndërkombëtare e Energjisë Atomike tha se zyrtarë të saj kishin zbuluar mina kundër personelit, të vendosura përreth centralit bërthamor të Zaporizhias në Ukrainë.
Në një deklaratë të agjencisë thuhej se minat u vunë re të dielën "në atë që njihet si zona neutrale, mes gardheve rrethuese të brendshme dhe të jashtme të zonës". Sipas zyrtarëve të agjencisë asnjë minë nuk ishte parë "brenda perimetrit" të centralit.
Që në fazat e hershme të sulmit rus ndaj Ukrainës, centrali ka qenë nën kontrollin e ushtrisë ruse. Agjencia Ndërkombëtare e Energjisë Atomike ka paralajmëruar në mënyrë të përsëritur mbi rrezikun e një katastrofe bërthamore, duke bërë thirrje për masa sigurie në centralin më të madh bërthamor të Evropës.
Shefi i agjencisë Rafael Grossi tha se ishte informuar se vendosja e minave ishte bërë në një zonë që kontrollohej nga ushtria.
Po ai tha se “vendosja e eksplozivë të tillë, në zonën e centralit, bie ndesh me standardet e sigurisë dhe udhëzimet mbi sigurinë bërthamore të agjecisë” që ai drejton. Ai shtoi se një gjë e tillë krijon trysni psikologjike shtesë mbi personelin e centralit, edhe pse sipas një vlerësimi fillestar të agjencisë, bazuar në vëzhgimet e saj dhe sqarimet që ka marrë nga zyrtarë të centralit, shpërthimi i minave nuk do të ndikonte në sistemet e sigurisë së centralit.
Ekspertët e agjencisë po vazhdojnë gjithashtu të monitorojnë çështjen e ujit që nevojitet për të ftohur reaktorët e centralit, pas shkatërrimit në qershor të digës Kakhovka, që preku një rezervuar aty pranë.

“Centrali do të vazhdojë të ketë ujë të mjaftueshëm për disa muaj”, thanë zyrtarë të Agjencisë Ndërkombëtare të Energjisë Atomike.

Ekstremet e kundërta të motit gjunjëzojnë Italinë, 4 viktima

22:20 Bota

Pse reforma e re gjyqësore në Izrael po shkakton trazira?

22:00 Bota

Kaloi në anën e armikut: Arrestohet politikani ukrainas i dyshuar për tradhti

20:30 Bota 2 komente

Jelena: kjo “tradhëtare” në Rusi dhe “non grata” në Ukrainë

20:00 Bota 1 koment

Koncepti i ri strategjik i NATO: drejt militarizimit të Europës?

19:30 Bota 1 koment

Misteri i shkarkimit dhe zhdukjes të ministrit të Jashtëm të Kinës

18:50 Bota

Kandidati i mundshëm për President i SHBA përfshihet në aksident me makinë

17:30 Bota 2 komente

FOTOT: Njihuni me të renë që është bërë virale prej koleksionit të fotove nga 11 arrestimet e saj

16:38 Bota

Pas zhdukjes disa mujore nga publiku, shkarkohet ministri i Jashtëm kinez

16:30 Bota

Kievi i zmbraps sulmet e reja ruse me dronë

16:10 Bota 5 komente