Te fundit
Historia e vendit ku mbretëresha Elizabeth II kaloi fëmijërinë dhe ditët e fundit
9 Shtator 2022, 09:57Bota
TEMA
Lajmi për vdekjen e mbretëreshës Elizabeth II tronditi ditën e djeshme Mbretërinë e Bashkuar.
Ajo nuk ishte në vendbanim të përhershëm, por momentet e saj të fundit i kaloi në Kalanë Balmoral në Skoci.
Kalaja Balmoral ndodhet në Aberdeenshire, afërsisht në pjesën qendrore të Skocisë, në veri të Edinburgut. Mbretëresha Elizabeth II i kaloi ditët e fëmijërisë atje me motrën e saj Margaret dhe pikërisht aty Princi Philip i propozoi asaj martesë.
Kjo kështjellë e mrekullueshme është rreth 80 kilometra nga qyteti i Aberdeen. Ka qenë një rezidencë mbretërore për 170 vjet – burri i mbretëreshës Victoria, Princi Albert, bleu pasurinë nga familja Farquharson në 1852.
Mbretëresha Viktoria tha asokohe se kështjella ishte shumë e vogël, kështu që një pjesë e re u përfundua në 1856 në stilin e baronisë skoceze.
Pas vdekjes së Mbretëreshës Viktoria, familja mbretërore vazhdoi të përdorte Kalanë Balmoral për vizita të rastësishme dhe Mbreti George V bëri disa ndryshime nga viti 1910 në 1930, më i madhi prej të cilave kishte të bënte me kopshtet në anën jugore. Gjatë Luftës së Dytë Botërore, familja mbretërore nuk e vizitoi kështjellën dhe për shkak të konfliktit me Gjermaninë, edhe “Shatërvani i Mbretit Prusian” u hoq nga oborri.
Balmoral është në pronësi private, kështu që ndryshe nga shumica e rezidencave zyrtare mbretërore, nuk i përket “Kurorës”. Duke qenë se blerësi fillestar ishte Princi Albert, jo Mbretëresha Victoria, të ardhurat nuk shkojnë në Parlament ose në buxhetin e Mbretërisë së Bashkuar.
Pasi Eduardi VIII, i cili trashëgoi kështjellën, abdikoi, pronari i saj u bë Xhorxhi VI, dhe më pas ishte në pronësi të Elizabeth II, megjithëse pasuria menaxhohet nga një bord i caktuar me ligj të veçantë.
Është interesante se ka disa filma që janë frymëzuar nga ngjarjet e kësaj pasurie, si “The Queen” (2006) ose “Miss Brown” (1997), por që janë filmuar në vende të tjera, jo në Balmoral.
Megjithatë, kështjella është përjetësuar në letër – një ilustrim i Balmoral mund të shihet në anën e pasme të kartëmonedhës 100 £ të lëshuar nga Banka Mbretërore e Skocisë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Te gjith keta ndertesa jane ndertuare me forcat e sllaveve ne te kaluaren,kurse sot 8 miljon britanike jane te mvarur nga ndihmat per ushqim,pra nuk ka hije kur dikush nuk din cka te bej me diamantet kure tjetri nuk ka buke per te ngrene turp per dikend qe mendon se esht njeri dhe mendon per popullin,si ne Shqiperi populli nuk e ka ujin e pijshem kuse qeveritaret jetojne ne villa lukse me 11 wc.