Te fundit
Moska hedh poshtë akuzat për krime lufte në verilindje të Ukrainës
19 Shtator 2022, 17:48Bota
TEMA
Moska hodhi poshtë deklaratën e Presidentit ukrainas Volodymyr Zelensky për krimet e luftës së Rusisë në territoret e çliruara në verilindje të Ukrainës.
Moska ka akuzuar Kievin për përdorimin e “të njëjtit skenar” si në periferi të kryeqytetit, Bucha.
“Ky është i njëjti skenar si në Bucha”, tha të hënën zëdhënësi i Kremlinit, Dmitry Peskov. “Kjo është një gënjeshtër. Sigurisht, ne do ta mbrojmë të vërtetën në gjithë këtë histori.”
Pas tërheqjes së Rusisë nga rajoni i Kharkiv, një varr masiv i njerëzve u gjet në territorin e Iziumit të çliruar javën e kaluar.
Ministria e Mborjtes së Ukrainës tha se të paktën 440 varre u gjetën në qytet ditët e fundit. Disa nga trupat e gjetur në Izium kishin shenja torture. Zelensky e quajti “mizori dhe terrorizëm” zbulimin, shkruan CNN.
“Bucha, Mariupol dhe tani, për fat të keq, Izium. Rusia e lë vdekje kudo”, tha Zelensky duke bërë thirrje që Rusia të mbajë përgjegjësi.
Ka pasur akuza të shumta për mizori të kryera kundër civilëve që nga fillimi i pushtimit rus të Ukrainës më 24 shkurt. Në qytetin Bucha të Ukrainës, hetuesit dhe gazetarët zbuluan pasojat e lëna nga forcat ruse pas tërheqjes së tyre.
Rusia hodhi poshtë akuzat për vrasjet e civilëve në Bucha si një provokim të organizuar.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hahahahaha e cuditshme me keta ruset , per keta , dhe sipas ketij Goebbels-it te ri rus Ukraina nuk eshte e pushtuar , : ju te gjithe e keni gabim , dhe ne nuk kemi vrare asnje te pafajshem , te gjithe te vraret jane provokacje , i kane vrare naziztet ukrainas dhe shoqerojne faturen te ne .......ne jemo clirimtare te krhinave me perberje ruse ... Dhe ke pretendime qe me kete llogjike te te perkrahe Bota e civilizuar ......