Te fundit
Një ‘luftë diplomatike’ Poloni – Gjermani në horizont?
8 Tetor 2025, 17:36Bota
TEMA
Kryeministri polak Donald Tusk tha se kundërshton ekstradimin e një ukrainasi të kërkuar në Gjermani, në lidhje me shpërthimet e vitit 2022 që goditën tubacionet e gazit Nord Stream.
I dyshuari, një 46-vjeçar i identifikuar nga Gjermania sipas një urdhër-arresti evropian si Volodymyr Z, u arrestua javën e kaluar pranë Varshavës.
Një gjykatë polake ka urdhëruar 40 ditë paraburgim, ndërsa autoritetet shqyrtojnë dosjet gjermane të çështjes. Më pas, një gjykatë do të vendosë për ekstradimin.
Tusk, duke folur gjatë një vizite në Lituani të martën, tha se do ta pranonte vendimin e gjykatës, por e bëri të qartë qëndrimin e tij për çështjen.
“Sigurisht që nuk është në interesin e Polonisë, as në interes të dinjitetit dhe drejtësisë, të ndiqet penalisht ky qytetar ose të ekstradohet në një vend tjetër”, tha Tusk në një konferencë për shtyp.
Në platformën e mediave sociale X, ai ishte po aq i drejtpërdrejtë: "Problemi me North Stream 2 nuk është se u hodh në erë. Problemi është se u ndërtua."
Që nga fillimi, Polonia kishte kundërshtuar ndërtimin e tubacioneve nënujore që transportonin gaz natyror nga Rusia direkt në Gjermani, duke argumentuar se ato do të rrisnin varësinë e Evropës nga energjia ruse.
Sipas Zyrës së Prokurorit Federal të Gjermanisë, burri është një zhytës i trajnuar, i cili dyshohet se mori pjesë në grupin që vendosi eksplozivë në tubacionet pranë ishullit danez Bornholm në shtator 2022. Ai akuzohet për shkaktimin e përbashkët të një shpërthimi dhe sabotim jokushtetues.
Nord Stream 1 kishte furnizuar me gaz rus Gjermaninë, ndërsa Nord Stream 2 nuk ishte vënë ende në funksion për shkak të luftës së përgjithshme të Rusisë në Ukrainë, e cila filloi në shkurt të vitit 2022. Të dy janë jashtë funksionit.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ja pra kjo eshte Evropa e ligjit dhe e me nder "Demokracise", mbrojne terroristet dhe kriminelet e nuk i dorzon ne shtetin te cilit i ka kryer nje dem me shperthimin e tubacionit North Stream 2 qe i sherbente Gjermanise.
Deri dje bythe-qiret e BE per shperthimin e North Stream 2 akuzonin Rusine dhe sot qe ka dale ne drite e verteta po bythe-qiret e BE (Polonia) mbrojne terroristin.
Gjermanet te mos merren me nje terrorist, por 'ti kerkojne Polonise te dorezoje tokat e Prusise Lindore te marra me force nga Stalini dhe sot jan pjese e teritorit Polak. Prusia eshte djepi, idenditeti, frymezimi dhe historia e Gjermanise.