Te fundit
Një virus i ri kinez nga mushkonjat, OBSH ngre alarmin global
23 Korrik 2025, 20:22Bota
TEMA
Virusi Chikungunya, i shpërndarë nga mushkonjat, ka filluar të përhapet me shpejtësi së fundmi në Kinën jugore, njoftoi të mërkurën Organizata Botërore e Shëndetësisë (OBSH).
Organizata po paralajmëron gjithashtu për përhapjen e sëmundjes në pjesë të tjera të botës.
Në megaqytetin kinez Foshan në provincën Guangdong, autoritetet kanë regjistruar deri më tani 2 mijë e 659 raste, raportuan mediat shtetërore kineze.
Sipas raportit, 53 spitale në qytet me një total prej më shumë se 3 mijë e 600 shtretërish të mbrojtur nga mushkonjat janë caktuar për trajtimin e sëmundjes infektive. Të gjitha rastet e raportuara deri më tani kanë qenë të lehta.
OBSH thotë se sëmundja është tashmë e pranishme në 119 vende. Teorikisht, 5.6 miliardë njerëz mund të infektohen.
Autoritetet rekomandojnë heqjen e vendeve të shumimit për larvat e mushkonjave, siç janë vazot e luleve, ose vrasjen e mushkonjave me agjentë kimikë si një masë parandaluese.
Veshjet e gjata gjithashtu rekomandohen për zonat e rrezikuara, pasi mbrojnë njerëzit nga pickimet.
Sëmundja infektive tropikale zakonisht nuk është fatale, por shkakton ethe dhe dhimbje të forta të kyçeve dhe muskujve. Kjo shpesh shoqërohet me dhimbje koke dhe lodhje ekstreme.
Sëmundja zakonisht zhduket pas një deri në dy javësh. Megjithatë, OBSH-ja thotë se deri në 40% e pacientëve përjetojnë probleme që zgjasin muaj ose vite pas infeksionit.
Në vitin 2004 dhe 2005 pati një epidemi të Chikungunya-s, e cila u përhap nga shtetet e vogla ishullore në Oqeanin Indian në pjesën tjetër të botës, duke prekur gjysmë milioni njerëz.
OBSH-ja thotë se një model i ngjashëm është vërejtur që nga fillimi i vitit.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me fluturimet dy jave duhen te pushtohet bota nga virusi prej mushkonjave
O DONALD TRUMP, KURSEJE NJE BOMBE MBI IRANIN DHE LESHOJA OBSH, NE NJEH ZOT!!!!