Plani i skifterit Sukkot: Të shtypim arabët

Nga Francesca Mannocchi, La Stampa

Në fund të korrikut 2015, një grup kolonësh izraelitë i vunë zjarrin shtëpisë së një familjeje palestineze, Daabsheh, në fshatin Duma, afër Nablusit.

Tre persona humbën jetën, Ali, një fëmijë 18 muajsh që u dogj i gjallë dhe prindërit e tij, të cilët vdiqën nga plagët e marra gjatë zjarrit.

Vetëm vëllai i tij i madh i mbijetoi zjarrit, me 60% të trupit të djegur.

Fqinji i familjes, Ibrahim Dawabsheh, tha se dëgjoi britmat e fqinjëve të tij dhe, duke vrapuar drejt vendit të ngjarjes, pa dy burra që qëndronin mbi trupat e djegur të Reham dhe Saad, prindërve të fëmijëve.

Ata ishin kolonët e rinj që kishin bastisur fshatin. Ata ishin “të rinjtë e kodrave”.

Disa javë më vonë, gjatë një dasme, një grup njerëzish festuan vdekjen e fëmijës.

Të armatosur me thika kanë goditur me thikë foton e vogëlushit Ali Dawabshe.

Mes të pranishmëve Itamar Ben Gvir, ministri aktual i Sigurisë Kombëtare, atëherë përfaqësues ligjor i kolonëve të arrestuar për sulmin.

Në vitin 2018, gjatë gjykimit të të dyshuarve, mbështetësit e kolonëve të rinj kënduan një këngë jashtë gjykatës që recitonte kështu: «Ku është Ali? Nuk ka Ali. Aliu u dogj. Në zjarr. Aliu është në zgarë”.

Një nga mbështetësit e të drejtave të “rinisë së kodrës” ishte Zvi Sukkot, i cili sot ulet në Knesset, Parlamenti izraelit, si deputet i partisë së sionizmit fetar.

La Stampa e takoi në Jeruzalem, në zyrën e tij në parlament.

Ai është përçmues dhe zotëron artin e diplomacisë, por themelet e të menduarit të tij, arsyet pse u zgjodh, janë të gjitha aty. Duke u nisur nga e ardhmja e Gazës.

“Sigurisht që jemi gati për vendbanime. Kemi shkuar në luftë, kemi luftuar, kemi pushtuar, po heqim praninë e tyre në Gaza. Më e pakta që mund të bëjmë, pasi të përfundojë lufta, është t’u japim njerëzve të dëbuar nga Izraeli mundësinë të kthehen dhe të jetojnë në shtëpinë e tyre”.

Kur ai flet për njerëzit e dëbuar nga Izraeli, Sukkot i referohet njollës origjinale që e djathta ekstreme sioniste nuk e fal në historinë e fundit të Izraelit, përkatësisht shkëputjen e njëanshme të 21 kolonive të banuara nga rreth 9 mijë izraelitë nga Gaza në vitin 2005. Kryeministër ishte Ariel Sharon.

Qeveria Sharon e kishte shpjeguar vendimin duke thënë se do të garantonte sigurinë e shtetit të Izraelit, shumë në atë kohë mendonin se në të vërtetë zgjedhja ishte diktuar nga nevoja për të përqendruar forcat e kolonëve në Bregun Perëndimor.

Hebrenjtë më radikalë kundërshtuan me forcë shkëputjen dhe që atëherë, 20 vjet më parë, ata e konsiderojnë atë zgjedhje si një frakturë të pashëruar.

Ajo mund të korrigjohet vetëm duke ripushtuar territoret palestineze.

“Tani që kemi mundësinë të kthehemi në luftë në Gaza, ne kemi për detyrë t’u japim njerëzve që i kemi dëbuar padrejtësisht mundësinë të kthehen në shtëpi. Një gabim u bë në 2005, lufta do ta shërojë atë”, thotë Sukkot.

Në fjalën armëpushim buzëqesh me ironi. Dhe nuk është për t’u habitur, sepse vetëm disa muaj më parë, i pyetur nga gazetarët për fatin e pengjeve, ai tha: ndoshta nuk do t’i kthejmë të gjithë në jetë. Si për të thënë se vazhdimi i ofensivës ushtarake në Gaza është jo vetëm i nevojshëm për të, por edhe i pashmangshëm, pavarësisht nga kostoja njerëzore që ai parashikon.

“Ne duhet të vazhdojmë të ushtrojmë presion mbi palestinezët, për t’i shtypur ata. Ne duhet të pastrojmë veriun e Rripit. Të luftohet derisa të eliminojmë të gjithë terroristët. Dhe pastaj të bëhet e njëjta gjë në jug derisa të kuptojnë se nuk kanë asnjë shans të qëndrojnë atje.

Kur thotë “të bëhet presion” nënkupton bllokimin e ndihmave humanitare, aksesin në ujë dhe karburant, akses në objektet shëndetësore.

Dhe kur thotë “të eliminohen terroristët” ai lë të kuptohet se nuk ka asnjë dallim, në këtë luftë, mes civilëve dhe luftëtarëve.

Argumenti historik që ai mbështet është i njëjtë me atë të të gjithë eksponentëve të së djathtës ekstreme sioniste dhe mbështetësve të tyre: «Kjo ndodhi në Gjermaninë naziste. Ndodhi në Japoni, me shumë sukses. Gjermania ishte naziste, sot nuk është më. Dhe Japonia, po ashtu, Perëndimi na mësoi se si ta fitojmë luftën”.

Zvi Sukkot është 32 vjeç, i lindur në një familje ultra-ortodokse në vendbanimin Betar Ilit në Bregun Perëndimor dhe iu bashkua “rinisë së kodrës” që djalë.

Ai nuk ishte thjesht një çfarëdo anëtar i grupit, sepse ai u stërvit në Od Yosef të Yitzhar, yeshiva më e njohur fundamentaliste koloniste, e mbështetur fuqishëm edhe nga jashtë.

Një nga donatorët më të njohur amerikanë është Jared Kushner, dhëndri i Donald Trump.

Kur Sukkot studionte në Od Yosef, rabinët e tij ishin Yosef Shapira dhe Yosef Elitzur, autorë të një libri të quajtur Tora e Mbretit.

Në pjesën e parë të librit, të titulluar “Ligjet mbi jetën dhe vdekjen ndërmjet Izraelit dhe Kombeve”, dy rabinët shkruajnë: “Ndalimi ‘Mos vrit!’ vlen vetëm ‘për një hebre që vret një hebre’. Jo-hebrenjtë janë nga natyra pa dhembshuri dhe sulmet kundër tyre shërbejnë për të frenuar prirjen e tyre të ligë”.

“Po kështu edhe fëmijët: të sapolindurit dhe në përgjithësi bijtë e armiqve të Izraelit mund të vriten, pasi ‘është e qartë se do të rriten për të na bërë keq’”.

Një nga mbështetësit e librit është rabini Dov Lior, udhëheqësi aktual shpirtëror i Itamar Ben Gvir, ministrit të Sigurisë Kombëtare të Izraelit.

Pasi u diplomua Sukkot, vazhdoi të jepte mësim në Yeshiva, duke u zhvendosur në vendbanimin Yitzhar, ku u emërua zëdhënës.

Shërbimet e sigurisë së brendshme, Shin Bet, e kishin nën kqyrje për vite me radhë.

Ai u arrestua në vitin 2010, i dyshuar për djegien e xhamisë së fshatit në Kfar Yasuf, dhe më pas u lirua për mungesë provash.

Në vitin 2011, Sukkot u mor në pyetje për përfshirje të dyshuar në djegien e makinës së një komandanti të stacionit të policisë, në sfondin e prishjes së strukturave në postin e paautorizuar të Alei Ayin.

Ashtu si në rastin e zjarrvënies së xhamisë, rasti u mbyll.

Një vit më pas, ai u dëbua nga Bregu Perëndimor për dyshimet se ai kishte orkestruar dhe kryer sulme klandestine të dhunshme kundër palestinezëve.

Sipas inteligjencës, ai “udhëhiqte aktivitete të fshehta dhe të dhunshme kundër palestinezëve”.

Verën e kaluar, kreu aktual i Shin Bet, Ronen Bar, denoncoi edhe një herë dhunën e kolonëve në një letër të hapur drejtuar kryeministrit Netanyahu.

Bar shkruan se dhuna e kolonëve është terrorizëm dhe se ajo përfaqëson “një kërcënim serioz për sigurinë kombëtare”.

Edhe në këto fjalë, Sukkot në zyrën e tij në parlament, buzëqesh. “E lexova letrën”, thotë ai “drejtuesit e Shin Bet thjesht duhet të kenë turp”.

Përballë provave, dëshmive, dëshmive të sulmeve vdekjeprurëse të kolonëve kundër palestinezëve. Përballë numrit të vdekjeve që janë rritur në mënyrë eksponenciale vitin e fundit, ai thotë: «Nuk do të flisja vërtet për terrorizëm. Më mirë do të thoja se është një çështje morale”.

Ambiciet e tij, interesat që ai tani mbron në Knesset janë të qarta: toka u përket hebrenjve, të cilët mund t’i heqin shtetësinë si hebrenjve, ashtu edhe arabëve, të cilët nuk pranojnë që vendi është një dhe se është shteti hebre.

Pavarësisht se ka dy vite në parlament, ai nuk ka reshtur së marrë pjesë në aksione të paligjshme në territoret e pushtuara.

Në vitin 2021 ai ishte ndër themeluesit e banimit Evyatar, të ndërtuar pranë fshatit palestinez Beita.

Vendbanimi u shpërnda dhe Sukkot ndihmoi në krijimin e një marrëveshjeje që nëse kolonistët largoheshin nga Evyatar, Administrata do të shqyrtonte rastin dhe do të shqyrtonte mundësinë e kthimit të tyre ligjërisht.

Verën e kaluar, vendbanimi Evyatar u shpall i ligjshëm sipas ligjit izraelit.

Ai mbeteti paligjshëm, si të gjitha vendbanimet, sipas ligjit ndërkombëtar.

Në shkurt 2022, Sukot ishte pjesë e një grupi që ngriti disa struktura të përkohshme në shkretëtirën e Negevit dhe deklaroi krijimin e një vendbanimi të quajtur Ma’aleh Paula, e cila u çmontua vetëm disa orë më vonë.

Në korrik Sukot qëndroi jashtë burgut SdeTeiman, duke bërtitur për zbatim të ligjit izraelit.

Nëntë ushtarë ishin arrestuar për abuzim dhe torturim të të burgosurve palestinezë dhe Sukkot, me dhjetëra demonstrues të tjerë, shkuan në burgun ushtarak për të mbrojtur ushtarët.

“Shteti i Izraelit është në luftë”, thotë ai për La Stampa “dhe gjëja më e çmuar që kemi janë ushtarët tanë, njerëzit që lënë familjet dhe punët e tyre për të luftuar. Ne nuk mund t’i lëndojmë ata”. Ushtarët mbi ligjin.

Në gusht, pas bastisjes së fundit shumë të dhunshme në Jenin, Sukkot tha se “Jenin duhet të jetë si Gaza”. Një deklaratë që ai mbron. “Do të isha i lumtur të shpërndaja karamele për të zgjidhur problemin arab, por nëse dhuna është çelësi për të arritur qëllimet tona, ne do të luftojmë kudo”.

Objektivi është i qartë në hartën gjeografike pas tij. Një tokë uniforme që është vetëm shteti i Izraelit.

Kush është Vem Miller, 49-vjeçari që u arrestua me armë në tubimin e Donald Trump?

10:15 Bota 1 koment

VIDEO/ Izraeli godet spitalin në Gaza, dhjetëra palestinezë raportohen të plagosur

10:13 Bota

Rrëzimi i armës misterioze ruse në Ukrainë: Nuk ka asgjë të tillë në botë!

09:50 Bota 12 komente

Arti ukrainas i luftës së re

09:40 Bota

CoVid-19 zbuloi një alergji ndaj punës në Europë. Franca është duke u bërë Greqi

09:25 Bota 18 komente

SHBA do t'i dërgojë Izraelit një sistem të avancuar të mbrojtjes ajrore

09:20 Bota

“Po harxhon miliona euro për t’i burgosur në Shqipëri”, Meloni replikon me ‘Sea Watch’: Çfarë skandali

09:16 Bota 17 komente

Sekreti i Estonisë, shtetit digjital të Evropës

23:16 Bota 1 koment

U arrestua pranë vendit ku Trump zhvillonte takim me elektoratin.“Ndaluam një atentat ndaj Trump”

23:12 Bota 5 komente

Shmanget tentativa e tretë për atentat ndaj Donald Trump

22:23 Bota 4 komente