Te fundit
Pse kthimi i Donald Trump po bëhet gjithnjë e më i sigurtë?
19 Gusht 2022, 10:05Bota
TEMA
Donald Trump, ish-presidenti hakmarrës i SHBA-ve, duket qartë se është gati të rikthehet në skenën politike. Duhet të mësoheni ngadalë me këtë mendim. E fundit pas humbjes brutale të zgjedhjeve të Liz Cheney. Ndëshkimi sistematik i kritikes së tij më të famshme brenda republikanëve tregon se të gjithë ata në radhët e kësaj force që nuk e mbështesin Trump-in, janë të humbur.
Procesi i “pastrimit” të Trump-it në parti po jep rezultate. Të gjithë ata që nuk i nënshtrohen pa kushte Trump-it nuk duhet ta quajnë veten republikanë në të ardhmen. Ky është në fakt një zhvillim i pabesueshëm: pas sulmit në Capitol, edhe njerëz nga rrethi më i ngushtë i Trump-it ishin të bindur se ai është një i vdekur politik, por siduket e kishin gabim.
Gjetjet e Komisionit Hetimor tronditën shumë amerikanë, sic ishin refuzimi i Trump-it për t’i bërë ballë turmës së zemëruar, si dhe përpjekjet e tij sistematike për të manipuluar rezultatin e zgjedhjeve në favor të tij.
Por më vonë, pas bastisjes së shtëpisë së tij në Mar-a-Lago, republikanët po u kundërvihen të gjitha këtyre gjërave: ata e kthejnë çdo sulm ndaj Trumpit në një mit për një institucion të korruptuar që dëshiron të shkatërrojë ish-presidentin me të gjitha mjetet e paligjshme. Është institucioni, thonë ata, që Trump-it i ka shpallur luftë. Një strategji e tillë funksionon në bazën e votuesve të Trump-it; ata njerëz tashmë janë të fiksuar në kokën e tyre se çdo sulm ndaj Trump-it është një sulm ndaj tyre.
Dobësia e Biden-it, forca e Trump-it
Por pse publiku i gjerë e toleron këtë zhvillim të egër, të paprecedentë në histori? Çelësi për ta kuptuar atë është vlerësimi katastrofik për Joe Biden. Dobësia e Biden-it është forca e Trump-it. “A je më mirë sot se sa katër vjet më parë?” – kështu formuloi Ronald Regan një pyetje të thjeshtë në vitin 1980 dhe kjo në SHBA është bërë vendimtare për fitoren (ose humbjen) në zgjedhje, shkruan Deutsche Ëelle.
Inflacioni, recesioni, shpërthimi i çmimeve, migrimi – dhe një ndjenjë poshtërimi pas tërheqjes kaotike të trupave amerikane nga Afganistani. E gjithë kjo i shqetëson amerikanët, i shqetëson shumë ata. Në këtë pikë, shumica ndoshta do t’i përgjigjen “Jo” pyetjes së Reganit. Jeta ishte më e shkujdesur nën Trump, do të thoshin ata.
Në të njëjtën kohë, është e qartë për kundërshtarët politikë të Biden-it se fitorja zgjedhore mund të arrihet vetëm me përpjekje të përbashkëta. Partia Republikane është e përçarë brenda, ata e dinë se partitë që merren kryesisht me veten e tyre nuk janë parti tërheqëse. Në dobësinë e Biden-it kontribuojnë edhe konfliktet e krahëve të partisë mes demokratëve. Njëzëri kundër Biden: vetëm Trump mund ta bëjë këtë dhe vetëm ai mund të ketë sukses në të falë shtresave të reja të votuesve që ai arriti të “fitojë” në mbështetje të kampit republikan. Dhe kjo është arsyeja pse nuk ka vend për “shpërqëndrime” dhe kjo është pse ata duhet të largohen, dhe kjo është arsyeja pse Cheney duhej të largohej.
Dhe tani, pas shkatërrimit të saj politik, duket se e vetmja gjë që mund ta ndalë Trump-in është gjyqësori. Vala e zemërimit për kontrollin e shtëpisë së tij lë të kuptohet se çfarë mund të ndodhë nëse Trump akuzohet. Pas dy përpjekjeve të dështuara për shkarkim, ministri i Drejtësisë Merrick Garland e di gjithashtu se ku mund të çojë një proces i ri kundër Trump-it: në një rast ekstrem, në prag të luftës civile.
Për të ruajtur paqen sociale, drejtësia ndoshta do të rezervohet derisa provat të jenë plotësisht të qarta dhe të paqarta. Dhe ndërsa hetimi vazhdon, Trump pastron njëra pas tjetrës pengesa në rrugën e tij për në Shtëpinë e Bardhë. Duke eliminuar Liz Cheney, ai bëri një hap të madh përpara.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ja dhe Demokracia me e madhe ne bote me shenja si ato ne Shqiperi....e çuditshme: vjedhje votash, fshehje dokumentesh, dyshime dhe, mbi te gjitha lufte per te fituar me cdo cmim....a thua se jeta e ketyre trampisteve apo bajdisteve varet nga politika si ne Albania?!?
"Duke eliminuar Liz Cheney, ai bëri një hap të madh përpara drejt Shtepise se Bardhe," shkruan gazetari mediokerr, duke harruar se luften per Shtepine e Bardhe gangsteri politik Donald Trump nuk e ka me republikanet, por me popullin demokrat amerikan.
Kur nuk arriti te munde nje Biden plak si mendon te munde ndonje rival tjeter ky mo?
Bravo Amerika e para,shampanja e derdhur ne evrope per humbjen e Trampit,perball Biden,besoj do shkoje dem.
Ku leshin eshte gazetari i keti shkrimi?
Ca lesh shkruani? Trump po shkon drejt burgut per spiunazh dhe kjo eshte pune ditesh Beteja sapo ka filluar dhe ai nuk kthehet me dot kurre ne politike
Emocionet qe ndjen dhe realitetin ne terren duhet t’i ndash! Jo vetem qe s’guxon asnje president te ndeshkoje te mepareshmin per arsye se mund te bjere vete brenda, por mbae vath ne vesh qe Trump ka per te marre perseri nominimin e Partise Republikane dhe nje shans mbi 50% qe rizgjidhet ne 2024! Mbae mend daten 19 gusht 2022 sa gabon kur mendon me emocione…!
Buda,populli demokrat qe thua ti po shikon qe socializmi po insttalohet dhe akoma spo e kupton.Si mund te votosh per Berni Senders dhe Alexadria Kortez.Keta "demokratet qe thua ti votuan 50% Bernin dy here per oresident qe e thote me mburrje qe eshte socialist.
Coli, une punova 25 vjet per ndertimin e shoqerise socialiste ne Shqiperi, por e gjeta ate ne Shtetet e Bashkuara te Amerikes, ndersa koleget e mi ne Europen Perendimore.