Te fundit
Rekordi famëkeq i policisë amerikane, vrau mbi 1170 persona në 1 vit
6 Janar 2023, 20:50Bota
TEMA
Forcat policore në SHBA vranë të paktën 1 176 njerëz në vitin 2022, mesatarisht më shumë se tre persona në ditë ose pothuajse 100 njerëz në muaj, që përfaqëson një rekord famëkeq që nga fillimi i matjes në vitin 2013, tha organizata Mapping Police Violence.
Pothuajse një e treta e njerëzve vriten për shkak të moszbatimit të ligjit dhe sipas ekspertëve, përdorimi i armëve të zjarrit nga policia në raste të tilla është i tepruar dhe mund të rrezikojë persona të tjerë që ndodhen pranë ngjarjes, raporton Guardian.
Çekuilibri racor vazhdon. Pothuajse një e katërta e të gjithë të vrarëve janë afrikano-amerikanë, edhe pse ata përbëjnë vetëm 13 për qind të popullsisë amerikane.
Të dhënat nga viti 2013 deri në vitin 2022 tregojnë se afrikano-amerikanët kanë tre herë më shumë gjasa të vriten nga policia sesa të bardhët, me një çekuilibër veçanërisht të rëndësishëm në Minneapolis dhe Çikago.
Në maj 2020, Amerika u trondit nga protesta të ashpra në rrugë pas vdekjes së George Floyd, një afrikano-amerikan i cili vdiq në Minneapolis për shkak të përdorimit të tepruar të forcës nga një oficer policie i bardhë, Derek Chauvin.
Më 7 korrik 2022, Chauvin u dënua me 21 vite burg për këtë krim, por shifrat tregojnë se dhuna policore është ende shumë prezente.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ndoshta duhen vrare edhe ne shqiperi kriminelet............apo me mire ti mbajme neper rruge dhe ne pushtet, sic i kemi per 30 vjete e kusur! Ne SHBA ka ligj, prandaj vjen gjithe bota, se duan te rrojne te lire nga kriminelat dhe katrahura.
Po pse faj i Policise eshte qe nga rradhet e zezakeve ka me shume kriminele ? Ligji i perdorimit te armeve nga Policia nuk parashikon % te caktuara ne baze te ngjyres. Policet ekzekutojne kriminelin, ky eshte ligji dhe sigurimi i jetes se njerezve te pafajshem dhe qytetareve te ndershem.