Rriten tensionet mes Kinës dhe Tajvanit

Rriten tensionet mes Tajvanit dhe Kinës, pasi kjo e fundit zhvilloi një stërvitje të gjerë ushtarake në ngushticën e Tajvanit, ku përfshihen forcat e marinës dhe ato të aviacionit.

Marina tajvaneze publikoi një video nga bordi i fregatës Tian Dan, ku mbikëqyrin luftanijen kineze Xuzhou. Të dhënat tregojnë se ka pasur lëvizje të shumta edhe në bazat ajrore që janë pozicionuar pranë ngushticës së Tajvanit.

Ministria e Mbrojtjes tha se gjatë mëngjesit të së dielës, 25 avionë kinezë kanë kaluar vijën mediane të ngushticës, e cila më parë ka shërbyer si një kufi jozyrtar mes dy vendeve.

Mëngjesin e së dielës, forcat ajrore të Tajvanit kryen manovra dhe patrullime ajrore në zonat përreth ishullit, ku Kina bëri stërvitje.

Stërvitja e zhvilluar për Pekinin kishte për qëllim paralajmërimin e Tajvanit për provokimet e bëra. Manovrat kishin të bënin me pozicionimin e të gjitha forcave duke bërë të mundur rrethimin e ishullit.

Stërvitja përfshinte edhe interceptimin dhe goditjen e objektivave në det dhe ajër: “Gjatë operacionit me mbështetjen e sistemeve të kombinuara, ne zhvilluam një kërkim dhe kundërsulm ndaj nëndetëseve, bllokadë dhe ushtrime për kundërsulme me rreze të shkurtër veprimi, këto të bazuara në skenarë të vërtetë”.

Qeveria e Tajvanit thotë se këto manovra ushtarake të Kinës vijnë pas vizitës së zv/presidentit William Lai në Shtetet e Bashkuara, si një formë presioni ndaj votuesve për zgjedhjet presidenciale të vitit të ardhshëm.

Lai është kandidati kyesor për President në zgjedhjet e ardhshme që do të mbahen në Tajvan. Për Kinën, vizita në SHBA ishte një akt provokimi i cili vendos ishullin në një situatë të rrezikshme. Kina e shikon Tajvanin si territor të saj, pavarësisht kundërshtive të qeverisë së ishullit. 

Pushimet verore, sondazhi italian: Të preferuar Shqipëria, Greqia dhe Egjipti

15:00 Bota

Gjermania rrit ndjeshëm numrin e emigrantëve të dëbuar të disa vendeve, përfshirë Shqipërinë

14:45 Bota

Eksperti ushtarak gjerman: Lufta në Ukrainë do të zgjasë deri në vitin 2025

14:22 Bota 2 komente

Ukrainë: Valë shkarkimesh pas korrupsionit në ushtri

13:10 Bota 1 koment

Ndërprerja e energjisë ngre alarmin në centralin bërthamor të kapur nga Rusia në Ukrainë

12:05 Bota 1 koment

Grafiti luftënxitës “Kur të kthehet ushtria në Kosovë” shfaqet edhe në Rusi

11:50 Bota

FOTOT/ Makina futet brenda lokalit në qendrën historike të qytetit italian, 6 të plagosur

10:29 Bota

Gati dy të tretat e gjermanëve duan një qeveri të re, thotë sondazhi

10:05 Bota

Akuzat për abuzim seksual, gjykata amerikane rikthen paditë kundër Michael Jackson

09:25 Bota 3 komente

Trump po planifikon të anashkalojë debatin e parë republikan

09:17 Bota