SHBA/ mësuesja 35-vjeçare akuzohet për incest me djemtë adoleshentë që kishte adoptuar

Një mësuese 35-vjeçare në shtetin e Uashingtonit është arrestuar me akuzën e incestit, pasi dyshohet se ka pasur marrëdhënie seksuale me dy djem adoleshentë që kishte adoptuar.

Amber Swain u arrestua të martën nga autoritetet amerikane pas një hetimi disa-javor. Sipas policisë, hetimi nisi më 18 maj, kur Departamenti i Fëmijëve, të Rinjve dhe Familjeve në shtetin e Uashingtonit kontaktoi zyrën e sherifit për një rast të dyshuar abuzimi seksual që përfshinte dy të mitur.

Pas intervistimit të viktimave dhe të dyshuarës, hetuesit arritën në përfundimin se kishte shkak të arsyeshëm për arrestimin e saj.

Njëri nga adoleshentët ka deklaruar se kishte pasur marrëdhënie seksuale me Swain përpara se të mbushte 18 vjeç, duke shtuar se takimet kishin ndodhur disa herë, përfshirë edhe pak ditë para raportimit të rastit tek autoritetet.

Fillimisht, mësuesja ka mohuar akuzat, por më vonë ka pranuar se kishte pasur marrëdhënie me një nga djemtë pasi ai kishte mbushur 18 vjeç, duke pretenduar se mund të kishte ngatërruar datat.

Adoleshenti i dytë ka deklaruar se ka pasur kontakte fizike me mësuesen në disa raste, përpara se ai të ndalonte situatën, sipas dosjes hetimore.

Swain është paraqitur në gjykatë dhe është liruar me kusht me garanci prej 20,000 dollarësh. Kushtet e lirimit e ndalojnë atë të ketë kontakt me persona nën 18 vjeç dhe e detyrojnë të qëndrojë në shtetin e Uashingtonit, si dhe të paraqitet rregullisht tek autoritetet ligjore.

Sipas ligjit të shtetit të Uashingtonit, incesti i shkallës së parë dënohet deri në 10 vite burg dhe me gjobë deri në 20,000 dollarë.

Samiti i Londrës për Ukrainën: po forcohet aleanca mes partnerëve, por paqja mbetet ende larg

09:10 Bota 1 koment

SHBA/ Festivali përfundon me të shtëna dhe panik mes pjesëmarrësve, të paktën 12 të plagosur

08:47 Bota 1 koment

Sekretari amerikan i Mbrojtjes: Brigjet e Europës po përballen me “pushtim” emigrantësh

08:37 Bota 1 koment

SHBA, Trump hedh idenë e aksioneve publike në kompanitë e Inteligjencës Artificiale

08:17 Bota

Izraeli godet 150 pozicione të Hezbollahut në Libanin jugor brenda 48 orëve

08:07 Bota

Armëpushimi në krizë, SHBA dhe Irani shkëmbejnë sulme në Gjirin Persik

07:43 Bota 1 koment

Donald Trump krijon video të re me inteligjencë artificiale: Kudo që shkoj, të gjithë më duan

22:35 Bota 5 komente

Hegseth në Francë nderon ushtarët që dëbuan forcat e Gjermanisë naziste

21:50 Bota 1 koment

Vrasja e studentit ndez debatin SHBA-Britani

21:35 Bota 6 komente

Lufta me Iranin po shkakton një krizë të re

21:10 Bota