Te fundit
Varshava, qyteti i parë në botë i mbrojtur plotësisht nga sistemi Patriot
23 Dhjetor 2025, 12:10Bota
TEMA
Varshava është bërë qyteti i parë në botë i mbuluar plotësisht nga një sistem i integruar i mbrojtjes ajrore, i bazuar në sistemet amerikane Patriot.
Sistemi i ri përfshin bateritë Patriot të integruara me stacione radarike dhe me Integrated Battle Command System (IBCS), duke krijuar një arkitekturë të unifikuar komandimi dhe kontrolli.
Ministri polak i Mbrojtjes, Władysław Kosiniak-Kamysz, deklaroi se sistemi i ri i mundëson Polonisë të neutralizojë raketa balistike dhe lundruese, si dhe të përballet me avionë dhe kërcënime ajrore të armikut.
Duke folur gjatë ceremonisë në Brigadën e 3-të të Mbrojtjes Ajrore me Raketa në Sochaczew, Kosiniak-Kamysz e cilësoi nisjen operacionale të baterive Patriot në kuadër të programit “Wisła” si një “moment historik” për mbrojtjen kombëtare të Polonisë.
“Ky është realizimi i sistemit tonë të integruar të mbrojtjes ajrore – kundër raketave, avionëve dhe dronëve”, tha ai, duke shtuar se 48 lëshues të tjerë Patriot pritet të mbërrijnë në Poloni gjatë periudhës 2027-2029.
Ambasadori i Shteteve të Bashkuara në Poloni, Thomas Rose, i pranishëm në ceremoni, theksoi se Varshava është qyteti i parë në botë që mbrohet nga një sistem Patriot plotësisht funksional, i kombinuar me një qendër të unifikuar komandimi IBCS.
“Edhe vetë Shtetet e Bashkuara nuk kanë ende një sistem të tillë të vendosur në këtë shkallë”, tha Rose, duke vlerësuar Poloninë si një lider në mbrojtjen ajrore.
Polonia është vendi i parë pas SHBA-ve që ka fituar akses në sistemin IBCS.
Në të ardhmen, ky rrjet do të integrohet edhe me avionët luftarakë F-35 dhe me sistemin e mbrojtjes ajrore me rreze të shkurtër Narew.
Mes viteve 2027 dhe 2029, Polonia do të marrë gjashtë bateri shtesë Patriot, duke e çuar në tetë bateri numrin total të sistemeve Patriot në përdorim nga Forcat e Armatosura Polake, të shpërndara në rajone të ndryshme të vendit.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Porrdhë me rigon! Po nga oreshniku mbrohet Varshava?! Unë them, se jo!
Te lumte Presidenti Trump "trimat" e Warshaves po pasurojne Ameriken me miliarda dollar blerje ne armatime dhe ne sistem mbrojte qe po u shet, tani rradhen e kane "trimat" e tjere.
Ketyre mbeturinave hibride, polakeve, po u ha bytha perseri..., nuk u mjaftoi Hitleri...!!!???