Te fundit
Zelensky: Rusia ka angazhuar ushtarët koreano-veriorë në Kursk
15 Dhjetor 2024, 16:44Bota
TEMA
Presidenti ukrainas Volodymyr Zelensky tha të shtunën se Rusia ka filluar të dislokojë ushtarë të Koresë së Veriut për të sulmuar pozicionet ukrainase në rajonin e Kurskut.
Zelensky tha në fjalimin e tij të mbrëmjes se kishte “prova paraprake se rusët kanë filluar të përdorin ushtarë nga Koreja e Veriut në sulme – një numër të konsiderueshëm të tyre”.
Ai tha se sipas informacioneve që kishte “rusët i përfshijnë [koreano-veriorët] në njësi të kombinuara dhe i përdorin ata në operacione në rajonin e Kurskut”, ku Ukraina ka ndërmarrë një inkursion që nga gushti.
Presidenti ukrainas tha gjithashtu se ka dëgjuar se koreano-veriorët “mund të përdoren në pjesë të tjera të vijës së frontit” dhe se “humbjet në këtë grup janë gjithashtu të konsiderueshme”.
Zelensky tha muajin e kaluar se 11,000 trupa të Koresë së Veriut ndodheshin në rajonin perëndimor të Kurskut të Rusisë dhe kishin filluar të pësonin “humbje”.
Uashingtoni dhe Seuli kanë akuzuar Phenianin se ka dërguar më shumë se 10,000 ushtarë për të ndihmuar Moskën, pasi Rusia dhe Koreja e Veriut nënshkruan një pakt të rëndësishëm mbrojtjeje në verë.
Koreja e Veriut dhe Rusia kanë forcuar lidhjet e tyre ushtarake që kur filloi agresioni i Moskës ndaj Ukrainës në shkurt 2022. Në fillim Rusia u kap në befasi nga inkursioni i Kurskut, por që nga fillimi i tij, ajo ka rimarrë gradualisht në kontroll pjesë të territorit, duke frenuar përparimin e Ukrainës dhe duke dërguar përforcime në rajon.
Një burim i ushtrisë ukrainase i tha AFP-së muajin e kaluar se Kievi ende kontrollonte 800 kilometra katrorë të rajonit të Kurskut, më pak nga pretendimet e mëparshme se kontrollonte pothuajse 1,400 kilometra katrorë.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Zelekovski:Ja e morem veshe po pastaj???????????????Rruaj Topet Putin..ti "Pushtrako"..qe Nuk Zbatove Marreveshjen e Minskut,,dhe jo vetem Kaq por shkove shume Large duke kerkuar nga Russe-Folesit dhe me Kombesi Russe qe te flitnin Ukrainisch...ik ore Legen...shiko Realitetin qe nuk do ta Kuptosh....Ukraina ka qene gjithmone me Russine dhe 50% e Popullsise ne Ukraine jane Russe..prandaj dhe Dezertojne nga Ushtria sepse nuk duan te Vrasin njerezit e gjakut te tyre..legen... Mos valle prete qe edhe Amerika dhe Eu-ja te dergoj Ushtare ne Ukraine???Pse??
E ça pastaj Kursku esht territor Rus zhelensk kari qe po ha karin
Sa qesharak eshte ky burriçka qe ka Ukrainen rrecke me ushtare te huaj! Rusia ben ç'i do rroçka brenda territorit te saj