Paqja fiskale në fuqi- Lehtësi për biznesin, pikëpyetje për disiplinën tatimore

Nga 1 janari ka hyrë në fuqi marrëveshja e ashtuquajtur e “Paqes Fiskale”, e cila u ofron bizneseve të mëdha një marrëveshje vullnetare me administratën tatimore. Në këmbim të parapagimit të tatimit mbi një bazë të rritur, subjektet përfitojnë shmangien e kontrolleve tatimore dhe mundësinë për të korrigjuar pasqyrat financiare pa penalitete.

Aspekti i parë që ekonomisti Klodian Muço vë në dukje lidhet me detyrimet e papaguara para vitit 2024, të cilat përbëjnë rreth 68% të borxhit tatimor.

 “Këtë nuk e shikoj si problematikë. Në njëfarë mënyre, përderisa janë borxhe që kompani të falimentuara s’kanë për t’u marrë më, le të fshihen”, deklaroi Muço.

Aspekti i dytë ka të bëjë me subjektet që do të përfitojnë një pagesë të reduktuar prej 5% për detyrimet e gjeneruara pas vitit 2014.

“Përtej të gjithave që shihet si aspekt pozitiv, por gjeneron pabarazi.  Në sensin që, një biznes i ndershëm që ka paguar, ka qenë korrekt në të kaluarën, “dëmtohet” nga kjo situatë”, shtoi ai.

Ndërsa aspekti i tretë lidhet me mundësinë e rishikimit të bilanceve financiare të tre viteve të fundit.

“Do i jepet mundësi shumë kompanive që të rikuperohet teorikisht informaliteti i gjeneruar në të kaluarën, kështu që e shikoj si një rikuperim informaliteti, një rritje të ardhurash për arkat e shtetit. Por nëqoftëse sistemi i monitorimit nuk është shumë skrupuloz, atëherë rrezikojnë që brenda këtij sistemi të depërtojnë dhe paratë e gjeneruara nga krimi”, theksoi eksperti.

Muço e konsideron sektorin e ndërtimit si më të ekspozuarin ndaj riskut të pastrimit të parave.

“Vetë mekanizmi i ndërtimit, janë këto kontratat e shitjes me rezervë, kontratatme shitje të parakohshme që ka mundësinë të spostojë në kohë pagesat edhe të ardhurat. Kjo ëhstë një problematikë shumë e madhe për sektorin e ndërtimit dhe duket sikur e avantazhojnë. Ndoshta kjo është arsyeja”, deklaroi Muço.

Sipas ekspertit, marrëveshjet e përsëritura fiskale dërgojnë një mesazh të gabuar, duke krijuar pritshmërinë se detyrimet mund të shtyhen dhe rregullohen më vonë pa pasoja. Kjo, sipas tij, dëmton kulturën e pagesës së rregullt të taksave dhe penalizon tatimpaguesit korrektë./rtsh.al

Rritet mosha për pension, këtë vit gratë dalin në pension 62 vjeçe, 2 muaj më shumë se në 2025

22:05 Ekonomia 1 koment

Investimet e huaja arrijnë 1.2 miliardë euro, BSH: 15% e banesave këtë vit janë blerë nga të huajt

20:10 Ekonomia 1 koment

Hyn në fuqi ligji, kufizohet qarkullimi i cash-it nga 2026

18:17 Ekonomia 5 komente

Rritja e çmimeve të apartamenteve në Tiranë është përshpejtuar: Ja sa kanë ndryshuar

10:50 Ekonomia 4 komente

Zbulohen vendet që udhëhoqën ekonominë globale në vitin 2025

16:20 Ekonomia

Shqipëria, me përqindjen më të ulët të popullsisë në Europë që arrin të kursejë

16:00 Ekonomia 2 komente

Shqipëria dhe Kosova një Bashkim Ekonomik

11:22 Ekonomia 4 komente

Veshjet e Gabit dalin nga moda

10:26 Ekonomia 1 koment

Ndryshon sigurimi i automjeteve: Nga 2026 hyn në fuqi historiku i aksidenteve, sa do paguajnë qytetarët!

09:37 Ekonomia 11 komente

Shembull konkret: Si mund të përfitoni mbi 30 mijë lekë rimbursim nga tatimet për fëmijët nën 18 vjeç

09:22 Ekonomia 3 komente