Profili i mësuesit në Shqipëri: Rreth 43 vjeç mosha mesatare, 75% gra dhe vetëm 36% të kënaqur më pagën

Mësuesit mbeten faktori më i rëndësishëm në cilësinë e arsimit dhe në zhvillimin e brezave të rinj. Në një kohë kur teknologjia, inteligjenca artificiale dhe ndryshimet sociale po transformojnë mënyrën si mësojnë nxënësit, roli i mësuesit është bërë edhe më kompleks dhe më i rëndësishëm se kurrë.

Mësuesi tipik në Shqipëri është rreth 43 vjeç, në shumicën e rasteve grua dhe me një përvojë të konsiderueshme në sistemin arsimor. Kjo është panorama që del nga analiza e “Scan Intel” nisur nga rezultatet e sondazhit ndërkombëtar Teaching and Learning International Survey (TALIS) 2024 të Organizatës për Bashkëpunim dhe Zhvillim Ekonomik (OECD), një nga studimet më të mëdha globale që analizon profilin dhe kushtet e punës së mësuesve.

Sipas raportit për Shqipërinë, mosha mesatare e mësuesve është 43 vjeç, pak më e ulët se mesatarja e vendeve të OECD që është rreth 45 vjeç. Rreth 32% e mësuesve janë mbi 50 vjeç, ndërsa vetëm 9% janë nën 30 vjeç, çka tregon se sistemi arsimor mbështetet kryesisht te një brez mësuesish me përvojë.

Profesion i dominuar nga gratë

Profesionin e mësuesit në Shqipëri e dominojnë gratë. Sipas sondazhit, 75% e mësuesve janë gra, një përqindje më e lartë se mesatarja e vendeve të OECD, ku gratë përbëjnë rreth 70% të stafit mësimor.

Shumica e kanë zgjedhur mësuesinë si profesion

Raporti tregon gjithashtu se në Shqipëri profesioni i mësuesit vazhdon të jetë një zgjedhje e qëndrueshme për shumë profesionistë. Vetëm 2% e mësuesve kanë hyrë në profesion si karrierë e dytë, ndërsa pjesa dërrmuese e kanë zgjedhur arsimin si profesionin e tyre kryesor.

Në të njëjtën kohë, 85% e mësuesve të rinj deklarojnë se mësuesia ishte zgjedhja e tyre e parë profesionale, një përqindje dukshëm më e lartë se mesatarja e OECD.

Teknologjia dhe inteligjenca artificiale në klasë

Raporti tregon gjithashtu se përdorimi i teknologjisë po bëhet gjithnjë e më i pranishëm në procesin e mësimdhënies. Në Shqipëri, 52% e mësuesve deklarojnë se kanë përdorur inteligjencën artificiale në punën e tyre gjatë vitit të fundit.

Stabiliteti në punë

Sipas të dhënave të TALIS, sistemi arsimor shqiptar karakterizohet edhe nga një nivel i lartë stabiliteti në punë. 87% e mësuesve kanë kontratë të përhershme, ndërsa vetëm 4% punojnë me kohë të pjesshme.

Megjithatë, ndërsa shumica e mësuesve janë të kënaqur me kushtet e punës, vetëm 36% shprehen të kënaqur me pagën, një tregues që mbetet sfidë edhe në shumë sisteme arsimore të tjera.

Bizneset kalojnë në tregun e lirë të energjisë, subjektet mund të zgjedhin furnizuesin e energjisë me çmimin më të favorshëm

15:30 Ekonomia 1 koment

Sa po i kushton Shqipërisë lufta në Lindjen e Mesme

09:30 Ekonomia

Pas rritjes së pagës minimale, Qeveria miraton kompensimin e kontributeve për bizneset

17:30 Ekonomia

Shtrenjtohen sërish karburantet, nafta po shitet për 184 lekë, benzina për 185 lekë për litër

15:40 Ekonomia

Kostot e prodhimit në vendnumëro, nuk ka presion mbi çmimet

11:00 Ekonomia

Rivlerësimi në 60 bashki: AKSH me çmimet e 2016-s, ekspertët me tregun

10:10 Ekonomia 1 koment

Bllokohen 1.5 ton çokollata në Kapshticë

21:59 Ekonomia 1 koment

"Këta i rrisin more mik!" Karburantet shtrenjtohen në Shqipëri, por jo në Maqedoninë e Veriut

16:20 Ekonomia 7 komente

Autoriteti i Konkurrencës nis monitorimin e tregut të shitjes së bukës në Korçë

15:40 Ekonomia 1 koment

Pagat rrisin kostot e ndërtimit në tremujorin e katërt

08:10 Ekonomia