Qeveria ofron paketë mbështetëse për dëmet nga zjarret

Kryeministri Edi Rama njoftoi të enjten se qeveria do të ofrojë një paketë mbështetëse për sektorin e bujqësisë, banesat dhe dëmet e tjera të shkaktuara nga zjarret masive që kanë përfshirë vendin gjatë korrikut.

Sipas tij, për muajin gusht do të rritet gatishmëria dhe do të mobilizohen të gjitha strukturat për menaxhimin e situatës.

“Masat e marra, rritja e gatishmërisë për muajin gusht 2025 dhe mobilizimi i strukturave përkatëse për menaxhimin e situatës së zjarreve në vend, ku qeveria do të ofrojë një paketë mbështetëse për dëmet e shkaktuara në fushën e bujqësisë, banesave apo nevojave të tjera që kanë lindur si pasojë e vatrave të zjarrit”, shkruan kreu i Qeverisë në Facebook.

Gjatë një konference për shtyp, ministri i Mbrojtjes, Pirro Vengu raportoi se deri më tani janë regjistruar 59 vatra zjarri që kanë djegur mbi 29 mijë hektarë.

“Deri në fund të muajit korrik kemi pasur 59 zjarre masive, zjarr që tejkalon sipërfaqen 1 hektar. Në total mbi 29 mijë hektarë sipërfaqje e djegur: 17 mijë e 500 Vlorë; 4 mijë e 524 Dibër; 2 mijë e 425 Tiranë; 1 mijë e 505 Berat; 1 mijë e 235 Shkodër. Rekordi historik në vendin tonë është në vitin 2007, 127 mijë hektarë sipërfaqje e djegur”, u shpreh zyrtari i lartë.

Forcat e angazhuara, duke përfshirë gjithë zinxhirin e Emergjencave Civile, ishin në total: 14 mijë e 200 vetë, 2 mijë mjete të specializuara ose private, 63 operacione ajrore, katër helikopterë të FA-ve, dy helikopterë hungarezë, dy Canadair të Italisë dhe dy Canadair të Greqisë dhe një Canadair nga Kroacia.

“Ne do vijojmë në rinovimin e flotës ajrore. Aktualisht janë të prekura 12 banesa, tre stane, një objekt kulti dhe një nënstacion energjie”, shtoi ministri i Mbrojtjes.

Ulje tatimi dhe afate të reja për rivlerësimin e pronës – Ekspertët: Hap drejt formalizimit

12:23 Ekonomia 2 komente

Një ndër tre banorë në Shqipëri ka makinë, ende ndër më të ulëtat në Europë

07:41 Ekonomia 1 koment

Xhepat bosh, bankat plot, paradoksi shqiptar i kursimeve. Të kujt janë paratë?

22:19 Ekonomia 1 koment

Paralajmëron Balluku: Do hiqen edhe varrezat e automjeteve

19:31 Ekonomia 1 koment

Qeveria miraton skemën, 5 metër kub ujë falas për familjet në nevojë! Kriteret dhe procedurat për ndarjen e subvencioneve. Kush përfiton

11:15 Ekonomia 2 komente

Shqipëria, e dyta nga fundi në Europë për shpenzimet qeveritare për kërkim dhe zhvillim

07:39 Ekonomia 5 komente

Tiranë – Prishtinë: Segmenti ajror i munguar në zemër të kombit dhe tregut

19:09 Ekonomia 2 komente

Reshje dhe erë e fortë në Kukës, shiu i korrikut i vjen në ndihmë dhe HEC-it të Fierzës

19:00 Ekonomia 1 koment

Paketa e Maleve, cilat do të jenë zonat prioritare për investim! Aplikuesit duhet të paraqesin një plan zhvillimi konkret!

11:34 Ekonomia 4 komente

Pushteti vendor 21 mln euro për mbrojtjen nga zjarri në 2025! Instituti i Bashkive: Fond i ambientit

07:42 Ekonomia 2 komente