Dhanë “Metadon” në kundërshtim me protokollin mjekësor, Prokuroria çon në gjyq mjekun dhe infermierin në Fier

Prokuroria e Fierit ka përfunduar hetimet dhe ka çuar për gjykim mjekun toksikolog Lulzim Banushaj bashkë me infermierin E.M, të cilët akuzohen për “korrupsion pasiv” dhe “shpërdorim detyre”.

Sipas hetimeve, ata kanë dhënë në mënyrë të paligjshme ilaçin “Metadon”, në kundërshtim me protokollin mjekësor.

Dy bluzat e bardha dyshohet se kanë vepruar kundrejt përfitimeve monetare, duke rrezikuar shëndetin e pacientit edhe pse ky i fundit i ka thënë se ka qenë përdorues i lëndëve narkotike.

Njoftimi i Prokurorisë së Fierit:  

Prokuroria pranë Gjykatës së Shkallës së Parë të Juridiksionit të Përgjithshëm, Fier përfundoi hetimet dhe dërgon në gjyq shtetasit L.B. dhe E.M. për veprat penale ‘Korrupsioni pasiv i personave që ushtrojnë funksione publike” dhe “Shpërdorimi i detyrës”, të parashikuara nga nenet 259 prg. 1 dhe 248 të Kodit Penal.

Në përfundim të hetimeve mbi procedimin penal nr.1599, të vitit 2023, prokuroria mori të pandehur shtetasin L.B., mjek toksikolog dhe kërkoi dërgimin e çështjes në gjyq, pasi nga hetimet u provua se ky shtetas ka lëshuar recetë për marrjen e medikamentit “Metadon” një shtetasi që ka pretenduar se është përdorues i lëndëve narkotike, pa pasur analizat e tij dhe pa rekomandimin e mjekut të familjes, përkundrejt përfitimit material.

Gjithashtu, është marrë i pandehur edhe shtetasi E.M., infermier i Sektorit të Shërbimit Parësor në NJVKSH Fier, pasi u provua se, në kundërshtim me detyrën e tij dhe protokollin mjekësor, i ka dhënë një shtetasi medikamentin “Metadon” në dyfishin e sasisë së përcaktuar, duke u mjaftuar vetëm me një recetë mjekësore, pa pasur kartelë mjekësore të pacientit që do të trajtohet me këtë medikament, përkundrejt përfitimit material.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier shpreh angazhimin e plotë dhe vënien para përgjegjësisë ligjore të të gjithë personave që gjatë ushtrimit të funksioneve publike kryejnë veprime në kundërshtim me ligjin kundrejt marrjes së përfitimeve të parrgullta.

Dhunoi djalin e ish-deputetit të PD-së në rezidencën në Farkë, vihet nën hetim 38-vjeçari

10:49 Kronika

Kapen çantat me drogë në kufi me Greqinë, trafikantët i shpëtojnë policisë

10:30 Kronika

Goditen 2 raste të trafikimit të drogës në Tiranë e Elbasan, sekuestrohen 7.7 kg kanabis! 1 i arrestuar, 1 në kërkim

09:50 Kronika

Goditi me sende të forta djalin e xhaxhait, 44-vjeçari shoqërohet në polici bashkë me djalin

09:20 Kronika 1 koment

Sherri me shkopa bejsbolli dje në Lundër, çfarë ndodhi në lagjen e VIP-ve, përse u dhunua djali 19 vjeçar i ish-deputetit Mhill Fufi

09:13 Kronika 13 komente

KPA rikthen në detyrë prokurorin Bajram Breçani

21:40 Kronika

Përleshen 4 persona në një zonë rezidenciale në Lundër

20:12 Kronika 1 koment

Begaj, homazhe për Papa Françeskun në Vatikan, i shoqëruar nga Kardinali shqiptar Ernest Troshani

17:33 Kronika 1 koment

Aksident në aksin Gjirokastër-Tepelenë, 56-vjeçari gjerman përplas me makinë këmbësoren

16:00 Kronika 1 koment

Shiste kanabis të ndarë në doza, arrestohet 25-vjeçari në Tiranë

14:23 Kronika 1 koment