Te fundit
FOTOT/ Ambasada e SHBA: Si po trajnohen hetuesit shqiptar nga FBI dhe DEA
17 Gusht 2022, 14:12Kronika
TEMA
Ambasada e Shteteve të Bashkuara ka treguar si po trajnohen hetuesit shqiptar nga organet më të larta të drejtësisë amerikane.
Përmes një postimi në rrjetet sociale, ambasada njofton se:
"Një prokuror i SPAK-ut dhe një grup hetuesish të Byrosë Kombëtare të Hetimit vizituan Uashington D.C. javën e kaluar, ku u takuan me zyrtarë nga Departamenti i Drejtësisë dhe Departamenti i Shtetit, Byroja Federale e Hetimit (FBI), Administrata për Luftën Ndaj Narkotikëve (DEA), Qendra për Koordinim dhe Analizë e Maryland, dhe Departamenti i Policisë së Baltimorës (BPD).
Komisioneri dhe Zv. Komisioneri i Zyrës së Integritetit Publik (ish investigues për korrupsionin publik dhe krimin e organizuar i FBI-së) nga Departamenti i Policisë së Baltimorës i mirëpritën ata.
Ata u takuan edhe me një drejtues të Departamentit të Drejtësisë, i cili ka udhëhequr hetimet dhe ndjekjet penale të nivelit të lartë për korrupsionin publik si prokuror federal.
Këtë javë, grupi është në Akademinë e FBI-së në Quantico, Virxhinia, duke u trajnuar dhe ndarë përvojat me agjentët dhe ekspertët nga agjencia më e madhe e ligjzbatimit në botë.
Një grup i dytë hetuesish do të ndjekë të njëjtin program javën e ardhshme. Vizitat e këtij muaji nisën më 3 gusht, me takime të nivelit ekzekutiv mes agjencive ndërinstitucionale të Shteteve të Bashkuara dhe Prokurorisë së Posaçme dhe BKH-së në SPAK", shkruan ambasada. (TemA)
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Trajnoni edhe atë Çunin, Fukarain në krye të SPAKUT që e ka Vilën në Gji të Lalzit, komshi me Like Floririn edhe Sali Non Gradën. Se ai do bëji namin, Namin.
Arrestihet salih bin laden dhe Ilir al zahari
Lere çe pyet. Po edukohen se si të merren me ata që shesin kanabis e të lënë politikanët e nivelit të lartë të korruptuar rehat e si tu vonojnë dosjet. Kaq është.