Te fundit
I biri e kërcënoi se do ta vriste me sëpatë, 73-vjeçari: Shkoi te hoxha dhe u bë më keq, ka nevojë për kurim
19 Janar 2024, 13:15Kronika
TEMA
Forcat RENEA ndërhynë për të parandaluar një krim në familje në fshatin Rubjek, Maminas në Durrës. Një 35 vjeçar, pasi ushtroi dhunë ndaj të atit dhe e kërcënonte se do ta vriste me sëpatë.
Pas arrestimit të të birit, ka reaguar edhe babai i 35-vjeçarit. Në një deklaratë për mediat, ai tregoi se si nisi debati me të birin, ku shkak sipas tij është gjendja tij e rënduar mendore dhe borxhet.
Për këtë arsye, ai e kishte dërguar djalin te një hoxhë, por pas kësaj gjendja e tij, sipas babait, u përkeqësua.
“Debati nisi para 3 ditësh. Ishte në Durrës për t’u vizituar dhe tha se hoxha më bëri keq. Kur u kthye, u kthye me mendje jo siç u nis, por me mendje tjetër. E ka çuar çuni i motrës në Shënavlash dhe u tensionua, nuk fliste mirë si më përpara”, tha ai.
Ai tregon se gjendja e tij depresive nisi që kur i ka vdekur e ëma, ndërsa apelon që ta lirojnë të birin dhe ta lejojnë të kurohet.
“Pak e ka nga e ëma që i ka vdekur para 16 vjetësh, nuk ka pasur ditë të mira sa erdhi. Ka qenë në Tiranë, në Durrës. Nga Shijaku e kanë çuar në Durrës.
Ka nevojë për kurim, jo për ta mbajtur të izoluar e të sforcuar. Sëpatën e pata unë, ai në atë moment e kapi, është çun i ri, gjynah ta mbajnë brenda, unë them ta nxjerrin dhe ta çojnë te psikologia.
Ka 5-6 vjet që nuk ka ardhë fare. Është në Itali çuni, ngaqë nuk punonte, ka qenë në një dhomë atje dhe ka pasur ca borxhe”, shtoi ai.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kujdes xhaje!!!! Po te degjoi ty drejtesia mbas 2-3 muajsh do marrim lajmin e hidhur se yt bir te beri copash me ate sopaten e famshme qe thua se e kishe ti....!!!!!
E cove te hoxha per kurim!? Hahahaha....po hoxha nuk ka tru per vete!!!
Hoxha jo vetem qe ia ka lyp por i ka kerkuar edhe para,ne kete çast ai sa ka degjuar per para eshte bere me keq!"Po ku je o Enver djali se neve na morri malli"!