Te fundit
I vinte gjoba pronarit të një lokali në Durrës, SPAK çon për gjykim dosjen e ish-shefit të Narkotikës
4 Shkurt 2025, 11:49Kronika
TEMA
SPAK ka përfunduar hetimet dhe ka dorëzuar në Gjykatën e Posaçme kërkesën për dërgimin në gjyq të Gazmir Preçit, ish-shefit të Sektorit të Narkotikëve në policinë e Durrësit.
Ai akuzohet për korrupsion pasiv, pasi dyshohet se ka marrë 10,000 euro ryshfet nga shtetasi B.T. në këmbim të mosushtrimit të kontrolleve në një lokal me "muzikë live".
Hetimet u zhvilluan në bashkëpunim me Agjencinë e Mbikëqyrjes Policore, ndërsa SPAK vijon punën për goditjen e korrupsionit në radhët e zyrtarëve të policisë dhe administratës shtetërore.
Njoftimi i SPAK:
Prokuroria e Posaçme kundër Korrupsionit dhe Krimit të Organizuar, pas përfundimit të hetimeve paraprake për procedimin penal nr.170 të vitit 2024, ka paraqitur më 03.02.2025 në Gjykatën e Posaçme të Shkallës së Parë kërkesën për dërgimin në gjyq në ngarkim të të pandehurit:
Gazmir Preçi, punonjës i policisë së shtetit, ish shef i Sektorit të Narkotikëve në DVP Durrës, i akuzuar për kryerjen e veprës penale “Korrupsioni pasiv i personave që ushtrojnë funksione publike”, parashikuar nga neni 259, paragrafi 2, i Kodit Penal.
Në përfundimin e hetimeve ka rezultuar se i pandehuri Gazmir Preçi i ka kërkuar dhe marrë një shumë monetare në vlerën 10,000 (dhjete mijë) euro shtetasit B.T, në këmbim të mosushtrimit të kontrolleve në lokalin e poseduar prej tij, ku ushtrohej aktiviteti “muzikë live” dhe ishin punësuar shtetas shqiptarë e të huaj.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Këta ndyrësira duhen dënuar nga gjykata ushtarake me masa shum të rrepta.
Po cpune ka pasur shefi i narkotikeve me "muziken Live"? Jane struktura te tjera policore ose bashiake qe kontrollojne nivelin e zhurmave dhe te prishjes se qetesise publike. Nese ky polic ka ndikuar tek keto struktura te tjera per te mos vepruar, atehere duhen marre te pandehur edhe keta punonjes qe e kane patur per detyre kete aspekt.
Per te gjykuar per policine shikoni foton qe e kane shoqeruar ne komisiariat.Nje emer ka:POLICIA E HALABAKEVE