Te fundit
Kreu i SPAK, Klodian Braho takohet me ambasadorin e Britanisë
23 Janar 2026, 12:05Kronika
TEMA
Ambasadori i Mbretërisë së Bashkuar në Shqipëri, Nicholas Abbott, zhvilloi një takim me Kreun e Strukturës së Posaçme Kundër Korrupsionit dhe Krimit të Organizuar (SPAK), Klodian Braho, ku u diskutua mbi punën e deritanishme dhe mbështetjen e ardhshme të Mbretërisë së Bashkuar për këtë institucion.
Gjatë takimit, palët riafirmuan partneritetin e fortë mes Mbretërisë së Bashkuar dhe Shqipërisë, me theks të veçantë në luftën kundër krimit të organizuar, si një shqetësim i përbashkët për të dy vendet.
Ambasada Britanike theksoi angazhimin e vazhdueshëm të Mbretërisë së Bashkuar për të mbështetur përpjekjet e SPAK në forcimin e sundimit të ligjit dhe rritjen e kapaciteteve institucionale, në funksion të sigurisë dhe drejtësisë.
“Ambasadori Britanik Nicholas Abbott u takua me Kreun eSPAK-ut, Klodian Braho, për të diskutuar punën e vazhdueshme dhe mbështetjen e ardhshme të Mbretërisë së Bashkuar për SPAK-un. Të dy riafirmuan partneritetin e fortë midis Mbretërisë së Bashkuar dhe Shqipërisë, veçanërisht në trajtimin e çështjes së përbashkët të krimit të organizuar serioz”, thuhet në reagimin e ambasadës britanike.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po me zotin kur do takohet meqe pune nuk po bejne
Po pastaj, çfarë...
Ambasadori britanik takon Spakun per karshillek ndaj Trump. Me mire do ishte ta transferonin Spakun dhe Gjkko ne Londer, edhe ti paguajne per ti konservuar si ekzemplare se si nuk duhet te jene institucionet e drejtesise neper bote!