Kryeprokurori Çela në Kuvend: Mungesë e theksuar prokurorësh, përballen me ngarkesë! Gjatë 2023 pati një ulje të kriminalitetit

Kreu i Prokurorisë së Përgjithshme, Olsian Çela, pasqyroi këtë të premte në parlamentin e Shqipërisë, raportin vjetor të punës së institucionit që ai drejton.

Në fjalën e tij, Çela tha se për vitin 2023 ka një rënie të koeficentit të kriminalitetit në raport me vitin 2022.

Kryeprokurori zbuloi se për vitin 2023 qarku me kriminalitetin më të ulur është Dibra, ndërkohë që me kriminalitetin më të lartë është Vlora.

Çela theksin e vendosi sërish tek vakancat e prokurorëve, të cilët përballen edhe me ngarkesë të shtuar. Ndalur në shifra, Çela tha se ka një mungesë të prokurorëve me 38%. Pra, në vitin 2023 prokuroritë kanë pasur 198 prokurorë kundrejt numrit organik prej 321.

“Përgjatë vitit 2023 në të gjithë nivelet e prokurorive të juridiksionit të përgjithshëm ka vijuar krijimi i vakancave të përkohshme dhe të përhershme deri në 38 % të prokurorëve (rivlerësimi kalimtar).

Megjithë problemet e krijuara nga këto mungesa të theksuara në organikë, prokuroritë e juridiksionit të përgjithshëm kanë ushtruar me përgjegjësi kompetencat bazuar në kuadrin ligjor në fuqi, rekomandimet e institucioneve kushtetuese dhe ndërkombëtare, si dhe në prioritetet e shtetit shqiptar që rrjedhin nga procesi i integrimit me Bashkimin Europian”, tha Çela.

“Gjatë vitit 2023, në organin e prokurorisë janë trajtuar  55253[1] materiale kallëzuese që përbën një ulje prej 9,4 % në krahasim me vitin 2022. Janë ndjekur gjithsej 45715 procedime penale, nga të cilat 24095 janë procedime penale të regjistruara, dhe janë mbartur 21011 procedime penale. Është vendosur mosfillimi për 9946 referime dhe kallëzime penale.

Numri më i madh i procedimeve penale të regjistruara rezulton në Prokurorinë pranë Gjykatës së Shkallës së Parë me Juridiksion të Përgjithshëm Tiranë me 35,12 % të numrit total të procedimeve të regjistruara në shkallë vendi; në fund janë prokuroritë Kukës 2,37 %; Dibër 2,31%, të numrit total të procedimeve penale të regjistruara në shkallë vendi.

Koeficienti i kriminalitetit për procedimet penale të regjistruara, për 100,000 banorë në vitin 2023 është 872, ndërsa në vitin 2022 koefiçenti i kriminalitetit ka qenë 920. Në vitin 2022, përqindjen më të ulët të kriminalitetit për 100.000 banorë e ka qarku Dibër, ndërsa përqindjen më të lartë e ka qarku Vlorë.

Ndër grupveprat penale me numrin më të lartë të procedimeve të regjistruara, evidentohet se veprat penale kundër rendit dhe sigurisë publike përbëjnë numrin më të lartë të procedimeve penale të regjistruara me 31,71 %, por me një ulje 1,54 % krahasuar me vitin 2022; veprat penale vjedhja e pasurisë përbëjnë 23,64 % të numrit të përgjithshëm të procedimeve të regjistruara, të cilat kanë ulje 16.39 % krahasuar me vitin 2022; sërish me një tendencë ulje të ndjeshme si në vitin e kaluar; veprat penale kundër fëmijëve, martesës dhe familjes  6,2%, me një ulje prej 4.68 % në krahasim me vitin 2022.

Tendencë në rritje është vërejtur për veprat penale që cënojnë regjimin juridik të tokës”, 12,86%;  veprat penale kundër sekretit dhe kufijve shtetërorë,  9,20 %; veprat penale në fushën kibernetike, 22,35 %; veprat penale të trafiqeve të paligjshme”, 47,59 %; veprat penale kundër prodhimit dhe kultivimit të narkotikëve”, 13,81 %”, shtoi kryeprokurori.

Lanë djalin autik në makinë dhe vdiq, arrestohet babai dhe nëna shqiptar në Greqi

11:43 Kronika

Pasuria e gruas merr në qafë Agron Zhukrin

11:31 Kronika 2 komente

Tokë dhe prona në bregdet, Apeli vendos: T’i konfiskohet pasuria ish-gjyqtarit Guxim Zenelaj

11:24 Kronika

"O Nuredin Dumani, mbaje të dashurën se po ta kapa…" - Xhovana Nikolli, shënjestër e atentatit me tritol

11:10 Kronika 22 komente

I shpallur në kërkim për prodhim dhe shitje narkotikësh, arrestohet 20 vjeçari në Durrës

11:02 Kronika

Gjendet me shenja dhune dhe i shtrirë në mes të rrugës 42-vjeçari në Tiranë

10:38 Kronika

Shkrumbohet një dyqan në Vlorë

22:48 Kronika

Përplasen katër makina në autostradën Tiranë-Durrës, rëndohet qarkullimi

19:49 Kronika 2 komente

Kërcënohet Eni Çobani! Ndërmjetësja reagon publikisht: Mos harro kujt ia ke dërguar!

19:39 Kronika 4 komente

Përfshihet nga flakët një makinë në aksin Vlorë-Levan

19:23 Kronika