Kufizimi i praktikës së ‘arrestit me burg’, Gjykata e Lartë zbardh vendimin: Është masa e fundit që jepet, duhet të shqyrtohen më parë masat më pak rënduese

Kolegjet e Bashkuara të Gjykatës së Lartë kanë zbardhur vendimin e plotë unifikues i cili sjell një kthesë në kriteret e caktimit të masave të sigurimit personal në Shqipëri.

Përmes këtij vendimi, Gjykata e Lartë ka ndryshuar pjesërisht praktikën e vjetër të vitit 2011, duke vendosur standarde të reja që mbrojnë lirinë e individit dhe kufizojnë përdorimin automatik të masës “arrest në burg”.

Ndryshimi i praktikës gjyqësore bazohet në tre parime kryesore që gjykatat duhet të zbatojnë tashmë në mënyrë të detyrueshme:

Ky vendim unifikues erdhi gjatë shqyrtimit të rastit të shtetasit Begtash Zeneli, të cilit gjatë kontrollit në banesë iu gjetën 7 kilogramë e 350 gramë lëndë narkotike cannabis sativa. Megjithëse Prokuroria kërkoi me ngulm “arrestin në burg”, Gjykata e Apelit vendosi “arrest në shtëpi” duke marrë parasysh moshën e tij 63-vjeçare, faktin që ishte i rehabilituar ligjërisht dhe gjendjen e rëndë shëndetësore të bashkëshortes.

Gjykata e Lartë, pasi analizoi rekursin e prokurorit, vendosi të lërë në fuqi masën e “arrestit në shtëpi”. Kolegjet vlerësuan se rrezikshmëria e veprës, megjithëse e lartë, nuk mundet apriori të mbizotërojë mbi rrethanat specifike njerëzore të të dyshuarit, nëse nuk provohet rreziku konkret i ikjes apo përsëritjes së krimit.

Në arsyetimin e saj, Gjykata e Lartë theksoi se ky ndryshim është i domosdoshëm për të përafruar drejtësinë shqiptare me standardet e Gjykatës Europiane për të Drejtat e Njeriut (GJEDNJ). Sipas vendimit, “arresti në burg” duhet të mbetet gjithmonë si “ultima ratio” (masa e fundit), pasi prezumimi duhet të jetë gjithmonë në favor të lirisë.

Ky vendim, i cili është dërguar për botim në Fletoren Zyrtare, pritet të ketë një efekt të menjëhershëm në të gjitha sallat e gjyqeve në vend, duke rritur standardin e arsyetimit për çdo kufizim të lirisë personale.

Incident i rëndë në Fier, tre adoleshente dhunojnë dhe filmojnë një bashkëmoshatare, policia nis hetimet

07:40 Kronika 5 komente

Shndërronin fitimet milionëshe nga trafiku i drogës në shufra ari, arrestohen dy persona nga Kosova

19:45 Kronika 1 koment

Lamallari mbledh drejtuesit e AMP: Lufta kundër korrupsionit në radhët e Policisë së Shtetit, prioritet që nuk negociohet

18:15 Kronika 2 komente

Shqipëria pajiset me topa turk BORAN, vendi i tretë në botë me këtë armë

17:45 Kronika 18 komente

Riformatim edhe në Drejtorinë e Përgjithshme, Hita hap garën për tre departamentet kyçe të Policisë së Shtetit

17:35 Kronika 1 koment

Biznesmeni Mirton Lika kallëzon penalisht Nadir Çaushollin: Më goditi me karrige dhe më kërcënoi me jetë

16:42 Kronika 13 komente

Lejuan kultivimin e lëndëve narkotike - AMP nis hetim ndaj zinxhirit komandues të komisariatit të Policisë Divjakë

15:15 Kronika

Tragjike në Suedi - Vritet me armë i riu shqiptar, dyshohet viktimë e përplasjes së bandave kriminale

14:25 Kronika 4 komente

Rrezikuan jetën e pushuesve, bllokohen 2 Jet Ski në Sarandë, 500 000 lekë gjobë për drejtuesit

12:35 Kronika

VIDEO/ Ish-ministri Gazmend Oketa dëshmon sot në gjyqin për dosjen “Partizani”

10:18 Kronika 5 komente