Te fundit
(VIDEO) Masa të rrepta sigurie: 90 të dënuar me rrezikshmëri të lartë do të transferohen drejt burgut të Peqinit
24 Janar 2026, 10:30Kronika
TEMA
Nën masa të rrepta sigurie, pasditen e kësaj fundjave do të nisë operacioni për transferimin e 90 të dënuarve me rrezikshmëri të lartë nga Institucioni i Ekzekutimit të Vendimeve Penale në Fushë-Krujë drejt IEVP Peqin. Lëvizja e tyre do të realizohet me përfshirjen e strukturave të specializuara të rendit dhe shërbimeve penitenciare, me qëllim garantimin e rendit, sigurisë dhe mbarëvajtjes së procesit.
Burime mediatike bëjnë me dije se ky transferim do të kryhet në kuadër të rishpërndarjes së të dënuarve dhe forcimit të masave të sigurisë në institucionet penitenciare. Megjithatë, transferimi i menjëhershëm pritet të sjellë sfida në drejtim të akomodimit dhe procesit të përshtatjes së të dënuarve në institucionin pritës, duke krijuar një ngarkesë të shtuar për strukturat e IEVP Peqin.
Operacioni është planifikuar në çdo detaj, me eskortë të posaçme dhe zbatim të protokolleve të përforcuara të sigurisë. Autoritetet përgjegjëse po marrin masa për menaxhimin e situatës dhe garantimin e standardeve ligjore të trajtimit të të dënuarve, me qëllim që të mos cenohet rendi dhe siguria në institucion. Mësohet se transferimi ishte planifikuar të kryhej gjatë orëve të natës që lamë pas, por për arsye organizative është shtyrë për pasditen e sotme.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mendoj se opracionet e tilla nuk duhet të bëhen publike për opinion e gjërë. Kjo ndoshta bëhet me qëllim deri sa bëhet e ditur koha,numri i personelit, automated etj.Ky operacion si duket i ngjan asaj të një jave më parë ku i burgosuri ikte me vrap drejt veturës që e priste pasi e dinte se ku është,ndërsa polic(dh)i,bënte sikur vraponte pas tij!
Ky lajm nuk duhej bere publik. Per sigurine e policeve nuk mendon njeri.