Te fundit
Misteri i thikës me të cilën u qëllua për vdekje Martin Cani, autori ende në spital
20 Nëntor 2024, 12:29Kronika
TEMA
Grupi hetimor nuk ka mundur ende të gjejë thikën me të cilën 14-vjeçari kreu vrasjen e bashkëmoshatarit të tij pranë shkollës “Fan Noli” në Tiranë.
Edhe pse adoleshenti e reklamoi me trimëri në rrjete sociale pas ngjarjes, hetuesit nuk kanë arritur ta gjejnë mjetin prerës që u përdor për të kryer vrasjen.
Ngjarja e rëndë ndodhi ditën e hënë gjatë një përleshjeje fizikemes disa adoleshentëve, 200 metra larg shkollës 9-vjeçare “Fan Noli”.
Autori dhe viktima ishin konfliktuar të premten dhe e vijuan zënkën edhe ditën e hënë.
Autori kishte thirrur një shok të tij, nxënës i shkollës “Fan Noli”. Nga ana tjetër, viktima, Cani, kishte thirrur një shok nga shkolla “Mustafa Qemal Atatürk” në Sauk, me të cilin luante në ekipin U-15 të Dinamos.
Gjatë përplasjes mbeti i plagosur edhe shoku i viktimës, ndërsa autori mori një plagë aksidentale në parakrah.
Pas ngjarjes, autori u largua me vrap drejt Pazarit të Ri, ku të njohur të tij e çuan me një makinë në një spital privat për mjekim. Policia e arrestoi në ambientet e spitalit për akuzat e vrasjes me dashje dhe armëmbajtjes pa leje. Bëhet me dije se i riu ndodhet ende në ambientet e spitalit.
Hetimet po vijojnë për të përcaktuar nëse ka persona të tjerë të përfshirë, të cilët mund ta kenë ndihmuar duke i sjellë thikën.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Popull kriminelësh, krime do ketë aman. S'ka kush çfarë të bëjë këndej. Ngushullime familjes.
Njerezit e viktimes te shkojne ta vrasin atje ne spital dhe mbyllet muhabeti ne barazim , Pastaj ca rendesi ka u gjet apo su gjet mjeti vrases , rendesi ka qe ai djale ehste vrasesi dhe te denohet me 30 vjet burg , qe te kalbet ne burg dhe te frikesohen te tjeret
Lereni te ngordh...qènin
se mos e lironi vrasesin nqs nuk gjendet thika!!!!!!!!